ICC વર્લ્ડ ટેસ્ટ ચેમ્પિયનશિપ 2025ની ફાઇનલ મેચમાં સાઉથ આફ્રિકા સામે હાર થયા બાદ ઓસ્ટ્રેલિયાની ટીમ ચોતરફ ટીકાનો સામનો કરી રહી છે. હાર બાદ ઓસ્ટ્રેલિયાના પૂર્વ દિગ્ગજ બોલર મિચેલ જોન્સને પોતાના જ ખેલાડીઓની આકરી ઝાટકણી કાઢી છે.
જોન્સનનું માનવું છે કે, IPL-2025ના કારણે ઓસ્ટ્રેલિયા WTCની ફાઇનલ મેચ હાર્યું છે. તેણે ખાસ કરીને જોશ હેજલવુડની ટીકા કરી છે, જેણે WTC ફાઇનલ પહેલા IPLને પ્રાથમિકતા આપી છે. આ સાથે તેણે પેટ કમિન્સ, નાથન લિયોન, મિચેલ સ્ટાર્કને પણ સાણસામાં લીધા છે.
જોશ હેજલવુડ અનુભવી અને ઝડપી બોલર હોવાથી તેને WTC ફાઇનલમાં સામેલ કરાયો હતો, સ્કૉટ બોલેન્ડ પહેલા તેણે તક અપાઈ હતી. ફાઇનલ મેચમાં બોલેન્ડ કંઈ ખાસ કરી શક્યો નથી અને તેણે માત્ર બે વિકેટ ઝડપી હતી. મિચેલ બોલેન્ડનું પ્રદર્શન જોતાં આશ્ચર્ય પામ્યો છે. તેનું માનવું છે કે, હેજલવુડનો WTC ફાઇનલ પહેલાં IPLમાં રમવાનો નિર્ણય ખોટો હતો. જો તેણે IPL રમવાના બદલે WTC ફાઇનલ માટે તૈયારી કરી હોત તો ટીમ માટે સારું થાત.
