Tokyo,તા.૩
જાપાનની સોફ્ટબેન્ક ગ્રુપના ચેરમેન અને સીઇઓ માસાયોશી સોનનું માનવું છે કે, જિયો પોલિટિકલ ટેંશનના કારણે ચિપ ડિઝાઇન સેકટરમાં ભારત એક મોટા દેશ તરીકે ઉભરી શકે છે. સૂત્રોએ જાણકારી આપતાં કહ્યું કે, તેમણે ભારતમાં પોતાની પોર્ટફોલિયોની કંપનીઓના સંસ્થાપકોને ૧૦ વર્ષના સંબંધમાં આર્ટિફિશિયલ ઇન્ટેલિજન્સ પર કામ કરવા માટે કહ્યું છે. પોતાની બે દિવસીય ભારત યાત્રા દરમિયાન તેમણે પહેલા દિવસે મુંબઈમાં રિલાયન્સ ઇન્ડસ્ટ્રીઝના ચેરમેન મુકેશ અંબાણી સાથે અને બીજા દિવસે દેશની રાજધાની દિલ્હીમાં પીએમ મોદી સાથે મુલાકાત કરી હતી.
અબજપતિ સીઇઓએ પોતાની યાત્રાના બીજા દિવસે સોફ્ટબેન્કની પોર્ટફોલિયો કંપનીના સંસ્થાપકોની મુલાકાત કરી હતી. જેમાં પેટીએમના સીઆઇઓ વિજય શેખર શર્મા, મિશોના સીઇઓ વિદિત આત્રે, ઓયોના સીઇઓ રિતેશ અગ્રવાલ, ઓલા કન્ઝ્યુમર અને ઓલા ઇલેક્ટ્રિકના સીઇઓ ભાવિશ અગ્રવાલ, ફ્લિપકાર્ટના સીઇઓ કલ્યાણ કૃષ્ણમૂર્તિ અને અનએકેડમીના સીઇઓ ગૌરવ મુંજાલ સાહિત્ય અન્યનો સમાવેશ થાય છે.
સૂત્રોએ કહ્યું કે, “સંસ્થાપકો સાથે બેઠક દરમિયાન સોને કહ્યું કે ભારતનું એન્જીનીયરીંગ ટેલેન્ટ દુનિયામાં સૌથી મોટું છે. તેમણે કહ્યું કે જિયો પોલિટિકલ કારણોથી ભારત ચિપ ડિઝાઇનમાં મોટો ખેલાડી બની શકે છે. સેમિકન્ડક્ટર કે ચિપ મેન્યુફેક્ચરિંગમાં ચીન અને તાઇવાન દુનિયામાં સૌથી આગળ છે. સોફ્ટબેન્કે છેલ્લા ૧૦ વર્ષોમાં ૧૫ અબજ ડોલરનું રોકાણ કર્યું છે અને ભારતમાં સોફ્ટબેન્કનું રોકાણ તેનાથી વધુ થઇ શકે છે.”
સોફ્ટબેન્ક ગ્રુપના સંસ્થાકે કહ્યું કે, ચિપ ડિઝાઇનિંગ એઆઇ ઈકોનીમીની ધડકન હશે. સંસ્થાપકો સાથે ચર્ચા દરમિયાન સોને એઆઇની આસપાસ બિઝનેસના ગ્રોથ પર જોર આપ્યું હતું. સોને કહ્યું કે,એઆઇનું ગ્લોબલ સ્તરે કેપિટલ એક્સ્પેન્ડિચર ૯-૧૦ હજાર અબજ ડોલર હશે અને સંસ્થાપકોએ એઆઇને ૧૦ વર્ષના દ્રષ્ટિકોણથી જોવાની જરૂરત છે. સોને કહ્યું કે, ૨-૩ વર્ષના છૈં પ્લાનિંગ બનાવવાથી અસફળતા જ મળશે. સોફ્ટબેન્કે ગત કેટલાક વર્ષોમાં ફ્લિપકાર્ટ, ઓલ, પેટીએમ, ડેલ્હીવરી, ફર્સ્ટક્રાઈ અને સ્વિગી જેવી ઘણી મોટી ભારતીય કંપનીઓમાં રોકાણ કર્યું છે.
જણાવી દઈએ કે, સોફ્ટબેન્કના સીઇઓ લગભગ ૧૯ મહિના બાદ ભારત આવ્યા હતા. આ પહેલાં તેઓ ઓયોના ફાઉન્ડર રિતેશ અગ્રવાલના લગ્નમાં માર્ચ ૨૦૨૩માં દિલ્હી આવ્યા હતા. જાપાનીઝ કંપની સોફ્ટબેન્ક સપ્ટેમ્બર ક્વાર્ટરમાં જોરદાર રિઝલ્ટ્સ જાહેર કરી ચુકી છે, સપ્ટેમ્બર ક્વાર્ટરમાં કંપનીને ૭૭૦ કરોડ ડોલરનો નફો થયો હતો જે ગત વર્ષે સમાન ક્વાર્ટરમાં ૬૧૪ કરોડ ડોલરના નેટ લોસમાં હતી, આ પ્રોફટીનું મુખ્ય કારણ ભારતીય આઇપીઓ માર્કેટની મજબૂત સ્થિતિ છે. ફર્સ્ટક્રાઈ અને ઓલા ઇલેક્ટ્રિકના લિસ્ટિંગથી તેને બંપર રિટર્ન મળ્યું હતું.
