(મિલાપ રૂપારેલ દ્વારા)
Amreli તા.૯ઃ
રાજુલા બસ સ્ટેશનમાં ભીડનો લાભ લઇ બસમાં ચડતાં પેસેન્જરોના પર્સની ચોરી કરતા પતિ પત્નીને (બેલડી) ઇગલ આઇ પ્રોજેકટ સી.સી.ટી.વીની મદદથી ગણતરીની કલાકોમાં પકડી પાડી, ચોરીમાં ગયેલ સોનાનો ચેઇન તથા સોનાનું પેંડલ રૂપિયા ૧,૦૩,૮૦૦ તેમજ રોકડા રૂપિયા ૮,૦૦ તથા સ્પ્લેન્ડર મોટર સાયકલ મળી કુલ રૂપિતા ૧,૩૪, ૬૦૦ના મુદામાલ સાથે રાજુલા પોલીસ ટીમે ઝડપી લઇ ધોરણસર કાર્યવાહી હાથ ધરેલ છે.
આ બનાવમાં રાજુલા ગામે ડોળીનો પટ્ટમાં સરકારી ગોડાઉનના પાછળના ભાગે રહેતા લાભુબેન કિશોરભાઇ શીયાળ નામના ૩૯ વર્ષીય મહિલા ગત તા.૭ ના રોજ સવારના આશરે પોણા દસેક વાગ્યાની આસપાસ રાજુલા બસ સ્ટેશનમાંથી કોડીનાર વડોદરા રૂટની એસ.ટી. બસમાં ચડતા હતા તે વખતે કોઇ અજાણ્યા વ્યકિતએ મહિલાના હાથમાં રહેલ કાપડની થેલીમાં રાખેલ સોનાનો ચેઇન વજન ૧૪.૯૨૦ ગ્રામ જેની કિમત રૂપિયા ૧,૦૦,૮૦૦ તથા દિલ આકારનું સોનાનું પેંડલ કિમત રૂપિયા ૩,૦૦૦ તથા રોકડા રૂપીયા ૧,૨૦૦ મળી કુલ રૂપિયા ૧,૦૫,૦૦૦ ના મુદામાલની મહિલાની નજર ચુકવી થેલીમાંથી કાઢી લઇ ચોરી કરી લઇ ગયેલ હતો.જે અંગે મહિલાએ અજાણ્યા ચોર વિરુધ્ધ રાજુલા પોલીસા સ્ટેશનમાં ફરીયાદ નોંધાવેલ હતી.
જે અનુસંધાને રાજુલા પોલિસ સ્ટેશનના પોલિસ ઇન્સ. વી.એમ.કોલાદરાની સુચના અને માર્ગદર્શન હેઠળ આરોપીઓની ખાનગી બાતમીદારો મારફતે આરોપીઓ અંગે ચોકકસ બાતમી મેળવી, આ ચોરીના ગુનાને અંજામ આપનાર હાલ ઉના ગામે ખારા વિસ્તારમાં રહેતા શંભુભાઇ ભગાભાઇ પરમાર તથા તેમની પત્નિ ગૌરીબેન ઉર્ફે દકુ શંભુભાઇ ભગાભાઇ પરમાર નામના પતિ પત્નિને ચોરીમાં ગયેલ મુદામાલ સાથે પકડી પાડી ચોરીમાં ગયેલ સોનાનો ચેઇન તથા સોનાનું પેંડલ રૂપિયા ૧,૦૩,૮૦૦ તેમજ રોકડા રૂપિયા ૮,૦૦ તથા સ્પ્લેન્ડર મોટર સાયકલ મળી કુલ રૂપિતા ૧,૩૪, ૬૦૦ના મુદામાલ સાથે રાજુલા પોલીસ ટીમે ૪ઝડપી લઇ ધોરણસર કાર્યવાહી હાથ ધરેલ છે.
આ બનાવનો ભેદ ઉકેલવા માટે પોલીસ સ્ટાફ દ્રારા બસ સ્ટેશન તેમજ આજુબાજુના વિસ્તારોમાં લગાવેલ ઇગલ આઇ પ્રોજેકટ સી.સી.ટી.વી કેમેરાઓ ઝીટવટભરી રીતે ચેક કરી આરોપીઓની શોધખોળ ચાલુ કરી હતી.અને આ તપાસ દરમ્યાન એક મોટર સાયકલની શંકાસ્પદ ભુમિકા જણાઇ આવેલ.જે મોટર સાયકલના રજિસ્ટ્રેશન આધારે આરોપીઓને ઝડપી પાડેલ હતા.આરોપીઓની ગુનો કરવાની મોડસ ઓપરેન્ડીઃઆ કામે બન્ને આરોપીઓ પતિ પત્ની હોય જેથી બન્ને મોટર સાયકલ લઇ બસ સ્ટેશનથી દુર પોતાની પત્નીને ઉતારી દેતા તે ચાલીને બસ સ્ટેશનમાં પેસેન્જર તરીકે આવી, જે બસમાં વધારે ટ્રાફિક હોય તે બસમાં પેસેન્જર બની બસમાં ચડતી વખતે ગીરદીનો લાભ લઇ મોટી ઉંમરની મહીલાઓને ટાર્ગૅટ કરી, ધકકા મુકકી કરી તેમની પાસે રહેલ થેલીમાં રાખેલ,પર્સની ચોરી કરી તેમાં રહેલ રોકડા રૂપિયા તથા સોનાની વસ્તુઓ તેની જાણ બહાર નજર ચુકવી ચોરી કરવાની ટેવ ધરાવે છે.પકડાયેલ આરોપીઓએ આપેલ ગુનાની કુબલાત મુજબ લગભગ આજથી બે ત્રણ મહીના દરમ્યાન અલગ અલગ સમયે ઉના બસ સ્ટેશનમાંથી અજાણી મહીલાઓ બસમાં ચડતી હોય તેની થેલીમાંથી પર્સની ચોરી કરી તેમાં રહેલ રોકડ રકમની ચોરીઓ કરેલ હોવાની કબુલાત આપેલ છે.
