દિતવાહ વાવાઝોડાથી પ્રભાવિત શ્રીલંકાને ભારતે ઓપરેશન સાગરબંધુ હેઠળ ભારતે શ્રીલંકામાં તાત્કાલિક પૂર રાહત સામગ્રી મોકલી હતી
Colombo, તા.૨૯
વાવાઝોડા, પૂર અને ભૂસ્ખલથી શ્રીલંકા, ઇન્ડોનેશિયા અને થાઇલેન્ડમાં સેંકડો લોકોના મોત થયા હતાં અને ભારે તબાહી સર્જાઈ હતી. શ્રીલંકામાં ૫૬, થાઇલેન્ડમાં ૧૪૫ અને ઇન્ડોનેશિયાના સુમાત્રામાં ૧૬૪ લોકોના મોત થયા હતાં. આ કુદરતી આપત્તિમાં અનેક લોકો લાપતા અને વિસ્થાપિત બન્યાં હતાં.શ્રીલંકામાં વાવાઝોડા દિતવાહને કારણે ભારે વરસાદથી અચાનક પૂર આવ્યું હતું અને છેલ્લાં ૭૨ કલાકમાં ઓછામાં ઓછા ૫૬ લોકોના મોત હતાં અને ૨૧ ગુમ થયા હતાં. ઇમર્જન્સીની સ્થિતિને ધ્યાનમાં રાખીને સરકારે શુક્રવારે જાહેર રજા જાહેર કરી હતી. ૪૩,૯૯૧ લોકો પ્રભાવિત થયા હતાં. શ્રીલંકન એરલાઇન્સે ઘણી ફ્લાઇટ્સ ભારતના કોચી અને ત્રિવેન્દ્રમ અને મટ્ટાલા એરપોર્ટ તરફ ડાઇવર્ટ કરી હતી.વડાપ્રધાન હરિની અમરસુરિયાની સરકારે મદદ માટે આંતરરાષ્ટ્રીય અપીલ કરી હતી. થાઇલેન્ડના સુમાત્રામાં ભારે વરસાદથી નદીઓ પૂર આવ્યું હતું. તેમાં અનેક લોકોને તણાઈ ગયા હતાં અને ૩,૨૦૦થી વધુ ઘરો અને ઇમારતો ડૂબી ગઈ હતી. આશરે ૩,૦૦૦ પરિવારો વિસ્થાપિત બન્યાં હતાં. પશ્ચિમ સુમાત્રામાં ૧૭,૦૦૦ ઘરો પાણીમાં ગરકાવ થયાં હતાં અને ૨૩,૦૦૦એ કામચલાઉ આશ્રયસ્થાનોમાં જવાની ફરજ પડી હતી. દિતવાહ વાવાઝોડાથી પ્રભાવિત શ્રીલંકાને ભારતે ઓપરેશન સાગરબંધુ હેઠળ ભારતે શ્રીલંકામાં તાત્કાલિક પૂર રાહત સામગ્રી મોકલી હતી. નવી દિલ્હીએ અનાજ અને પેકેજ્ડ ફૂડ આઉટમ, બેકરી પ્રોડક્ટ્સ અને બીજા સામગ્રી સહિત અત્યાર સુધીમાં ૪.૫ ટન સૂકું રાશન અને ૨ ટન તાજું રાશન પૂરું પાડ્યું છે.
