New York,તા.29
અમેરિકાની એક કંપનીએ જમીનની 200 ફીટ નીચે એવા બંકર બનાવવાનો પ્લાન તૈયાર કર્યો છે. જેમાં મોતથી બચવા માટે લોકો રહી શકશે, કોઇ આફત વખતે આ ઘર ખરીદનારા લોકો એમાં જઇને રહી શકશે અને પોતાને બચાવી શકશે. આ બંકરોમાં પરમાણુ હુમલા અને ઇલેકટ્રોમેગ્નેટિક પલ્સિસ જેવા ખરતાથી પણ બચી શકાશે. બંકરના આ પ્રોજેક્ટનો કુલ ખર્ચ 300 મીલીયન ડોલર (આશરે 2590 કરોડ રૂપિયા) ધારવામાં આવ્યો છે. જેમાં એક ઘરની કિંમત 20 મિલીયન ડોલર (આશરે 172 કરોડ રૂપિયા) રહેશે.
આ બંકરો આલીશાન મહેલથી ઓછા નહીં હોય. એમાં વાઇટ હાઉસ સ્તરની સ્કિયોરીટી સુવિધા ઉપલબ્ધ કરાવવામાં આવઓશે. એમાં આર્ટિફિશ્યલ ઇન્ટેલિજન્સ (એઆઇ) આધારિત મેડિકલ સુવિધા અને રોબોટિક સ્ટાફ ઉપલબ્ધ હશે. 2026માં પહેલું બંકર હાઉસ વર્જિનિયામાં ખોલવામાં આવશે. પહેલા અમેરિકાના તમામ મોટા શહેરોમાં આ બંકર બનાવવામાં આવશે અને પછી દુનિયાભરના 1000 શહેરોમાં આવા બંકર બનાવવાની યોજના કંપનીએ ઘડી કાઢી છે.
વર્જિનિયાસ્થિત સ્ટ્રેટેજિક્લી આર્મ્ડ એન્ડ ફોર્ટિફાઇડ એન્વાયર્નમેન્ટ્સ નામની કંપનીએ આ યોજના બનાવી છે. બંકરોમાં પ્રાઇવસી અને સુરક્ષા સામેલ હશે. એમાં ભોજન અને વેલ્ફેર પ્રોગ્રામ પણ ઉપલબ્ધ હશે. પહેલા બંદરો વર્જિનિયાના 625 ધનવાન લોકો માટે બનાવવામાં આવી રહ્યા છે. બંકરોમાં શાહી અને સ્વાદિષ્ટ ખાવાનું મળશે. એમાં એક ઇન્ડોર સ્વિમિંગ પુલ, કોલ્ડ પ્લંજ સેન્ટર, બોલિંગ એલી અને ક્લાઇમ્બિંગ વોલ જેવી હાઇ-ફાઇ સુવિધા રહેશે. અહીં રહેનારા લોકો માટે 2000 ચોરસ સ્કવેર ફીટના સ્વીટ્સ અને અન્ડરગ્રાઉન્ડ પેન્ટહાઉસ પણ મળશે. 20 હજાર સ્કવેર ફીટમાં ફેલાયેલાં હશે.
આ ઘર જમીનની ઉપર એક ફ્લોરના હશે પણ જમીનની નીચે 200 ફીટ ઉંડે હશે અને એમાં હાઇટેક લિફટ ફીટ કરવામાં આવશે જે થોડી મિનિટોમાં બહારની દુનિયામાં લાવી શકાશે. અહીં લાગનારી લાઇટ પેનોરેમિક વ્યુ આપશે.
