હૈયાના સ્થાનિક રહેવાસીઓના જણાવ્યા પ્રમાણે ચોમાસા દરમિયાન અહીંયા વરસાદી પાણી ભરાવાની ખૂબ જ સમસ્યાઓ છેલ્લા ઘણા વર્ષોથી હતી જેને લઈને સ્થાનિકો દ્વારા તેમજ આગેવાનો દ્વારા આ મામલે નગરપાલિકાને અનેક લેખિત રજૂઆતો તેમજ ફરિયાદો કરાઈ હતી જેના પરિણામે નગરપાલિકા દ્વારા પાણીના ભરાવાના નિકાસ અને સમસ્યાનું નિરાકરણ લાવવા માટેની રકમ તેમજ કામની ફાળવણી કરાઈ હતી.
આ ચાલી રહેલા કામ દરમિયાન નબળા ભૂંગળા વાપરવા તેમજ હલકી ગુણવત્તા વાળું સિમેન્ટનું અને માલ મટેરિયલ વાપરવાની અને કો ફરિયાદો ઉઠી હતી ત્યારે આ ફરિયાદનું કોઈ નિરાકરણ ન આવતા તેમજ ચકાસણી ન થતા આ મામલે ઉપલેટા શહેર કોંગ્રેસ પ્રમુખ અને વોર્ડ નંબર આઠના કોંગ્રેસ પક્ષના સદસ્ય લખમણ ભોપાળા દ્વારા નગરપાલિકા કચેરી ખાતે આ કામ અંગેની તપાસણી કરવામાં આવતા નગરપાલિકા દ્વારા હલકું તેમજ નબળી ગુણવત્તાવાળું અને અધૂરું કામ મૂકીને ગયેલ એજન્સીને બિલ ચૂકવી દેવામાં આવ્યું હોવાની બાબત સામે આવતા કોંગ્રેસ દ્વારા નગરપાલિકાના સતાતંત્ર ઉપર ભ્રષ્ટાચારના આક્ષેપ કર્યા છે.
શહેર કોંગ્રેસ પ્રમુખ અને નગરપાલિકાના સદસ્ય એ નગરપાલિકાને આ સાથે ખુલ્લી ચેલેન્જ આપી છે કે નગરપાલિકા તેમને સાથે રાખી અહીંયા કરવામાં આવેલા કામ અંગે ચકાસણી અને તપાસણી કરાવે તો તેઓ પુરાવા સાથે અને નિયમ અનુસાર તેમજ યોગ્ય મટીરીયલ ન વાપરી કામ કરી નાખ્યું હોવાનું અને કામ પૂર્ણ થયા બાદ રસ્તાની યોગ્ય સમાર કામની કામગીરી ન કરેલ હોવાનું પુરાવા સાથે હકીકતલક્ષી બાબતને જાહેર કરશે તેવું જણાવ્યું છે જોકે આ કામ સંપૂર્ણ રીતે ન થયું હોવાનું સ્થાનિકોએ પણ જણાવ્યું છે અને હવે આ મામલે થયેલા ભ્રષ્ટાચાર ખરેખર ભ્રષ્ટાચાર છે કે નહીં અને કામ પૂર્ણ થયા પહેલા કોમ્પિટિશન સર્ટીફીકેટ અને ઇન્સ્પેક્શન કર્યા વગર બિલ કઈ રીતે ચૂકવાયું અને કેટલું ચૂકવાયું તે પણ ઉચ્ચ કક્ષાએથી તપાસ થાય અને લગાવેલા આક્ષેપો સાચા છે કે ખોટા તે પુરવાર કરવાની કામગીરી હાથ ધરવામાં આવે તો કંઈક અજુગતું અને લાખો રૂપિયાનું ભ્રષ્ટાચાર થયું હોવાનું સામે આવી શકે છે જોકે અહીંયા નબળું કામ થતું હોવાની બાબતને લઈને અગાઉ ભાજપના જ એક નગરપાલિકાના સદસ્ય દ્વારા નગરપાલિકાને લેખિત ફરિયાદ કરી આ કામ નબળું તેમજ હલકી ગુણવત્તા વાળું થતી હોવાની લેખિત ફરિયાદ કરી ચૂકવવામાં આવી છે છતાં સત્તામાં રહેલા સદસ્યની કોઈ કિંમત કે અધિકારીઓ અને કોન્ટ્રાક્ટર ગાંઠતા ના હોય તેવું પણ ચર્ચામાં આવી રહ્યું છે.
—
