Washington,તા.૬
યુએસ રાષ્ટ્રપતિ ડોનાલ્ડ ટ્રમ્પ અને તેમના સાથી અબજોપતિ ઉદ્યોગપતિ એલોન મસ્ક વચ્ચે શબ્દયુદ્ધ વધુ તીવ્ર બન્યું છે. હકીકતમાં, એલોન મસ્ક ટ્રમ્પ દ્વારા હસ્તાક્ષરિત ’બિગ બ્યુટીફુલ બિલ’ની સતત ટીકા કરી રહ્યા છે. આ પછી, હવે ગુરુવારે, ડોનાલ્ડ ટ્રમ્પે પણ સંદેશ આપ્યો અને એલોન મસ્કના વલણ પર નિરાશા વ્યક્ત કરી. ટ્રમ્પના નિવેદન પછી, એલોન મસ્ક હવે ગુસ્સે છે અને ટ્રમ્પ પ્રત્યેના તેમના ઉપકાર ગણવા લાગ્યા છે.
ડોનાલ્ડ ટ્રમ્પે ગુરુવારે એલોન મસ્ક સાથેના તેમના મતભેદો પર પ્રતિક્રિયા આપી. તેમણે મસ્ક પર નિશાન સાધ્યું અને કહ્યું કે વિશ્વના સૌથી ધનિક વ્યક્તિ હજુ પણ વ્હાઇટ હાઉસને યાદ કરે છે. ડોનાલ્ડ ટ્રમ્પે વધુમાં કહ્યું કે એલોન મસ્કને ’ટ્રમ્પ ડિરેન્જમેન્ટ સિન્ડ્રોમ’ છે. એકસ ના માલિક એલોન મસ્ક યુએસ રાષ્ટ્રપતિ ડોનાલ્ડ ટ્રમ્પ પર ગુસ્સે છે. એલોન મસ્કએ ઠ પર એક ટિ્વટમાં કહ્યું – “મારા વિના, ડોનાલ્ડ ટ્રમ્પ ૨૦૨૪ ની રાષ્ટ્રપતિની ચૂંટણી હારી ગયા હોત. ડેમોક્રેટ્સે હાઉસ પર નિયંત્રણ મેળવ્યું હોત અને રિપબ્લિકન ૫૧-૪૯ ના ગુણોત્તરમાં સેનેટમાં હોત.” મસ્કે ટ્રમ્પને કૃતઘ્ન પણ કહ્યા છે.
ડોનાલ્ડ ટ્રમ્પે તેમના બિલ વિશે કહ્યું જે વિવાદનું કેન્દ્ર બન્યું છે- “એલોન મસ્ક આ બિલ વિશે બીજા કોઈ કરતાં વધુ જાણતા હતા. મસ્કને જ્યારે ખબર પડી કે હું ઇવીની ફરજિયાત જરૂરિયાત ઘટાડવાનો છું ત્યારે તેમને મુશ્કેલી પડી. જોકે, આના જવાબમાં એલોન મસ્કે કહ્યું- “આ બિલ મને એક વાર પણ બતાવવામાં આવ્યું નથી. આ બિલ રાતના અંધારામાં એટલી ઝડપથી પસાર થયું છે કે કોંગ્રેસમાં કોઈ તેને વાંચી પણ શક્યું નથી.”
તમને જણાવી દઈએ કે મસ્ક થોડા સમય પહેલા સુધી ટ્રમ્પના મજબૂત સમર્થક અને સલાહકાર પણ હતા. ટ્રમ્પે ખર્ચ ઘટાડવા માટે બનાવેલા વિભાગને મસ્કને સોંપી દીધો હતો. જોકે, તાજેતરમાં મસ્કે પોતાનું પદ છોડી દીધું છે અને હવે ખુલ્લેઆમ ટ્રમ્પની નીતિઓ પર પ્રશ્નો ઉભા કરી રહ્યા છે.
