કારખાને ચકર મારવા જતી વેળાએ અકસ્માતમાં જીવ ગુમાવ્યો:પરિવામાં ગમગીની
Rajkot,તા.29
શહેરમાં દિવસે ને દિવસે અકસ્માતથી મોતના બનાવો ચિંતાજનક રીતે વધી રહ્યા છે ત્યારે કોઠારીયા સોલવંટ ફાટક પાસે ચાલી ને જતા વૃધ્ધને બસની ઠોકરે. લેતા ગંભીર રીતે ઘવાયેલા વૃદ્ધને સારવાર અર્થે સિવિલ હોસ્પિટલમાં ખસેડવામાં આવ્યા હતા સારવાર મળે તે પહેલા તબીબે વૃદ્ધને મૃત જાહેર કરતા ઘટના સ્થળે આજીડેમ પોલીસનો સ્ટાફ દોડી ગયો હતો અને મૃતદેહને પીએમ અર્થે ખસેડવામાં આવ્યો હતો.
આ અંગે મળતી માહિતી મુજબ મવડી ચોકડી, ન્યુ જલારામ સોસાયટી, શેરી નંબર 2, માં રહેતા ભરતભાઈ મોનજીભાઈ અંબાસણા ઉંમર વર્ષ 64 વર્ષીય વૃદ્ધ ગઈકાલે બપોરે 12:00 વાગ્યાની આસપાસ પોતે કોઠારીયા સોલવંત ફાટક પાસે ચાલીને જતા હતા ત્યારે પુરપાટ ઝડપે આવતી બસે વૃદ્ધને હડફેટે લીધા હતા. ઈજાગ્રસ્ત વૃદ્ધને સિવિલ હોસ્પિટલમાં ખસેડાયા હતા સારવાર મળે તે પહેલા જ તબીબે વિરુદ્ધ ને મૃત જાહેર કરતા ઘટના સ્થળે આજીડેમ પોલીસ નો સ્ટાફ દોડી ગયો હતો અને મૃતદેહને પીએમ અર્થે ખસેડવામાં આવ્યો હતો બનાવ અંગે વૃદ્ધ પોતે નિવૃત્તિ નું જીવન જીવતા હોય અને જે કારખાનામાં કામ કરતા હતા ત્યાં બેસવા જતા હતા પરત ફરતી વેળાએ અજાણ્યા બસની ઠોકરે મોતનું પ્રાથમિક તારણ જાણવા મળી રહ્યું છે. મૃતક ભરતભાઈ 3 ભાઈ અને 1 બહેનમાં મોટા હતા. તેઓને સંતાનમાં 1 પુત્ર અને 4 પુત્રી છે. આ અંગે આજીડેમ પોલીસ દ્વારા બસ ચાલક સામે ગુનો દાખલ કરવા વધુ તપાસની તજવીજ હાથ ધરી છે છે.
