મેં અંતે અતંરાત્માનો વિચાર કર્યા વિના મારી જાતને સોંપી દીધી : Jaideep Ahlawat

જયદીપ આહલાવત મનોજ બાજપાઈની જાણીતી સિરીઝ ‘ધ ફેમિલી મેન’માં એક ક્રુર વલન રુકમાના રોલમાં આવ્યો છે

Mumbai, તા.૨૯

જયદીપ આહલાવત મનોજ બાજપાઈની જાણીતી સિરીઝ ‘ધ ફેમિલી મેન’માં એક ક્રુર વલન રુકમાના રોલમાં આવ્યો છે. પાતાલ લોકના લાગણીસભર હાથીરામથી આ પાત્ર બિલકુલ અલગ છે. ત્યારે હવે એક ઇન્ટરવ્યુમાં જયદીપે જણાવ્યું કે તેને એક ડ્રગ ડીલર અને ઘાતકી માનસિકતાની કલાત્મક છૂટમાં કામ કરવામાં બહુ જ મજા આવી. જયદીપના આ પાત્રના પણ ઘણા વખાણ થઈ રહ્યા છે, ઘણા લોકો સોશિયલ મીડિયામાં કહી રહ્યા છે કે પહેલી વખત મનોજ બાજપાઈને એની ટક્કરનો કોઈ વિલન મળ્યો છે.  આ રોલ વિશે વાત કરતા જયદીપે કહ્યું, “પહેલા દિવસે, મને યાદ છે કે મને લાગતું હતું કે આ પાત્ર હાથીરામથી ઘણું અલગ છે. તું એમાં કઇ રીતે કામ કરીશ? પછી મને સમજાયું કે એમાં કોઈ કામ નથી કરવાનું, તમારે માત્ર બંને બાજુની મજા લેવાની છે.”એક ઇન્ટરવ્યુમાં જયદીપે જાણીતા સ્થળમાં બિલકુલ અલગ ઉર્જા સાથે કામ કવાની યાદ તાજી કરી હતી. તેણે પાતાલલોકમાં પણ છેલ્લી સીઝનમાં પણ નાગાલેન્ડમાં શૂટ કર્યું હતું. તેણે જણાવ્યું, “એક સ્થળ છે, જ્યાં હું એક વખત હાથીરામ તરીકે ઉભો હતો અને પછી રુકમા તરીકે. એ એ જ સ્થળ હતું, બે અલગ વ્યક્તિઓ, પરંતુ બીજા કોઈને એ અહેસાસ નહીં થાય. કારણ કે આર્ટ ડિરેક્શન ઘણું બદલી નાંખે છે. એ જ સ્થળે હોય અને તમે બે અલગ જીવન જીવતા હોય એ ઘણી અલગ લાગણી હોય છે.”જયદીપે મજાક કરતા કહ્યું કે નાગાલેન્ડ એમના માટે ઘર જેવું બની ગયું છે, “મેં કોહિમામાં એટલું બધું શૂટ કર્યું છે કે નાગાલેન્ડ સરકારે મને ત્યાં ઘર આપી દેવું જોઈએ. આખરે હું મારા અંતરાત્માની ચિંતા કર્યા વિના કે પરિણામની ચિંતા કર્યા વિના એ રોલ માટે મેં મારી જાત સોંપી દીધી. રુકમા જેવુ પાત્ર ભજવીને મને અલગ રીતે એક પ્રકારની આઝાદીનો અનુભવ થયો.”જ્યારે ચિત્તગોંગ અને ગેંગ્ઝ ઓફ વાસેપુરમાં મનોજ બાજપાઈ સાથે કામ કર્યા પછી ફેમિલી મેન ૩માં કામ કરવા અંગે જયદીપે કહ્યું, “મનોજ સાથે કામ કરવું એ સમયમાં પાછા ફરવા જેવું છે. એ સેટ પર એક પ્રકારની શિસ્ત લઇને આવે છે. આટલા વર્ષો પછી એની સાથે એક્શન સીન કરવામાં અલગ મજા હતી. એની સાથે કામ કરવામાં એક પ્રકારનો લોભ હોય છે અને આ શોએ સપું પૂરું કર્યું છે. મનોજ કારમાં મારો મોટરસાઇકલ પર પીછો કરતો હતો, એ મારો સૌથી ગમતો સીન છે. કેમેરાએ એમાં કોઈ ચીટિંગ કરવી પડી નહોતી.  એ એના પરથી સીધો મારા પર આવ્યો હતો. એમાં કોઈ પણ સ્ટંટમેનની મદદ લેવાઈ નથી. એ મારો સૌથી યાદગાર સીન છે.”