પાકિસ્તાનની સરકાર પર પિતાની અસલી સ્થિતિ છુપાવવાનો આક્ષેપ : પોલીસે ઈમરાનના સમર્થક ખૈબર-પખ્તુન્ખવાના મુખ્યમંત્રીને માર માર્યો
Islamabad, તા.૨૯
પાકિસ્તાનના ભૂતપૂર્વ વડાપ્રધાન ઇમરાનખાનના પુત્ર કાસિમખાને પોતાના પિતા જીવતા છે તે અંગેના પૂરાવા જેલ સત્તાવાળાઓ પાસે માંગ્યા છે. કાસિમખાને કહ્યું હતું કે કોઇને પણ ખબર નથી કે ઇમરાનખાન જીવતા છે કે નહીં.કાસિમે એક્સ ઉપર મૂકેલી એક પોસ્ટમાં લખ્યું છે કે ૮૪૫ દિવસ પહેલાં તેના પિતાની ધરપકડ કરવામાં આવી હતી, અને છેલ્લાં ૬ સપ્તાહથી તો તેમને જેલના એક ‘ડેથ સેલ’માં રાખવામાં આવ્યા છે. કોઇને પણ મારા પિતાને મળવા દેવાતા નથી કે તેમની સાથે ફોન ઉપર કોઇ વાત થઇ શકતી નથી કે તેમના તરફથી કોઇ મેસેજ પણ આવ્યો નથી. કાસિમે કહ્યું હતું કે તેની ત્રણ ફોઇઓને પણ તેમના ભાઇને મળવા દેવાયા નથી.આ કોઇ સુરક્ષા-વ્યવસ્થા અંતર્ગત નહીં પરંતુ ઇરાદાપૂર્વક કરવામાં આવી રહ્યું છે. સરકાર તેના પિતાની અસલી પરિસ્થિતિ છુપાવી રહી છે. બીજી બાજુ ઇમરાનખાનનું સમર્થન કરવા અદિયાલા જેલ પહોંચેલા ખૈબર-પખ્તુન્ખવા પ્રાંતના મુખ્યમંત્રી સોહેલ અળિદીને પોલીસે સડક ઉપર હેઠા પાડી દઇને મારઝૂડ કરી હતી.પાકિસ્તાની મીડિયાના અહેવાલ અનુસાર સોહેલ અફ્રિદી સાથે મારઝૂડ સૈન્યના આદેશથી કરવામાં આવી હતી. અફ્રિદી ગુરૂવારે જ્યારે જેલ ઉપર પહોંચ્યા ત્યારે ચુસ્ત અને લોખંડી સુરક્ષાવ્યવસ્થા ઉભી કરવામાં આવી હતી, અને પાકિસ્તાન તેહરિકે-ઇન્સાફ (પીટીઆઇ)ના સમર્થકો અને ટેકેદારોની ભીડ વધતી ગઇ હતી, અને તેમના પહોંચ્યા બાદ સ્થિતિ એકદમ કાબુ બહાર જતી રહી હતી. પોલીસે સોહેલ અને તેમની સાથએ આવેલાં લોકોને આગળ વધતા અટકાવી દીધા હતા. તે દરમ્યાન થયેલી ભારે ધક્કામુકીના પોલીસે સોહેલને બોચી પકડી હેઠા પાડી દીધા હતા અ તેમને પગ વડે લાતો મારી હતી. પીટીઆઇ પોલીસના આ અમાનુષી અત્યાચારને લોકશાહીના અધિકારો ઉપર સીધો હુમલો ગણાવ્યો હતો.રાવલપિંડીની અદિયાલા જેલમાં બંધ પોતાના ભાઇ ઇમરાનખાનને મળવા નહી દેવા બદલ ઇમરાનખાનની બહેને શુક્રવારે ઇસ્લામાબાદ હાઇકોર્ટમાં અદિયાલા જેલના સુપરિન્ટેન્ડન્ટ વિરુદ્ધ કોર્ટના આદેશનો તિરસ્કાર કરવાના આરોપસર કેસ દાખલ કર્યો હતો. ઇમરાનખાનની બહેન અલિમા ખાને ખૈબર-પખ્તુનવા રાજ્યના મુખ્યમંત્રી સોહેલ આફ્રિદી અને પીટીઆઇના સેંકડો ટેકેદારોની હાજરીમાં હાઇકોર્ટમાં પિટિશન ફાઇલ કરી હતી.. અલિમાખાને પોતાની અરજીમાં ઇસ્લામાબાદ હાઇકોર્ટના માર્ચ-૨૦૨૪ના એ આદેશનો ઉલ્લેખ કર્યો છે જેમાં હાઇકોર્ટે ઇમરાનખાનની બહેનોને એક સપ્તાહમાં બે વાર મળવા દેવાનો આદેશ કર્યો હતો.
