બેટી બચાવો-બેટી પઢાઓ સેલ-અમરેલી દ્વારા દામનગર ખાતે ઝેડ.એન.અજમેરા હાઇસ્કુલ દામનગર ખાતે કાર્યક્રમ યોજાયો
Amreli તા.તા.29
બેટી બચાવો-બેટી પઢાઓ સેલ-અમરેલી દ્વારા ઝેડ.એન. અજમેરા હાઈસ્કુલ દામનગર ખાતે પોક્સો (POCSO) એક્ટ જાગૃત્તિકરણ સેમિનાર યોજાયો હતો. નગરપાલિકાના પ્રમુખ ગોબરભાઈ નારોલના અધ્યક્ષસ્થાને યોજાયેલા સેમિનારમાં વિદ્યાર્થિનીઓ અને મહિલાઓમાં બાળકીઓની સુરક્ષા અંગે માહિતી આપવામાં આવી હતી.
આ કાર્યક્રમના પ્રારંભે જિલ્લા મહિલા અને બાળ અધિકારી શૈલેષભાઈ કણઝરીયા દ્વારા ‘બેટી બચાઓ બેટી પઢાઓ’ યોજના અંગે વિસ્તૃત માર્ગદર્શન આપવામાં આવ્યું હતું. તાલુકા કાનૂની સેવા સત્તા મંડળ, લાઠીના એડવોકેટશ્રી, ઈતેશભાઈ મહેતા દ્વારા પોક્સો એક્ટ અંગે કાયદાકીય જ્ઞાન અને વિસ્તૃત માર્ગદર્શન આપવામાં આવ્યું હતું.
આ કાર્યક્રમમાં હસુમુખભાઈ રાઠોડ, ભારવીબહેન, રેશ્માબેન બાજેર, જસુબેન ભંડેરી, મહેકબહેન,ગોબરભાઈ, મીનાક્ષી બહેન દ્વારા વિષયને અનુરૂપ માર્ગદર્શન આપવામાં આવ્યું હતું. આ સેમિનાર દ્વારા વિદ્યાર્થિનીઓમાં કાયદાકીય જ્ઞાન, સુરક્ષા અને સશક્તિકરણ અંગે જાગૃત્તિ પ્રસરાવવામાં આવી હતી. બેટી બચાવો બેટી પઢાવો યોજના અને પોક્સો એક્ટ જેવી મહત્ત્વપૂર્ણ યોજના અને કાયદા અંગેની સમજણ આ સેમિનાર દ્વારા આપવામાં આવી જે સમાજમાં મહિલાઓ અને બાળકીઓના હીત માટે મહત્ત્વપૂર્ણ પગલું છે.
