New Delhi, તા.15
ભારત અને ઇંગ્લેન્ડ વચ્ચે લોર્ડ્સમાં રમાયેલી ત્રીજી ટેસ્ટ મેચમાં ભારતનો 22 રનથી કટ્ટર પરાજય થયો. ભારતને જીતવા માટે 193 રનની જરૂર હતી, પરંતુ ટીમ ફક્ત 170 રન જ બનાવી શકી.
છેલ્લી વિકેટ મોહમ્મદ સિરાજની પડી, જે બોલ્ડ થઈ ગયા. ટીમની શરૂઆત સારી નહોતી અને ટોચના ક્રમના બેટ્સમેન ઓછા રન બનાવી શક્યા. રવિન્દ્ર જાડેજાએ 61 રનની શાનદાર ઇનિંગ રમી અને જસપ્રીત બુમરાહ અને મોહમ્મદ સિરાજે પણ ખૂબ પ્રયાસ કર્યો, પરંતુ ટીમ 22 રનથી લક્ષ્યથી ઓછી રહી.
ભારતીય ટીમના વિકેટકીપર બેટ્સમેન ઋષભ પંતને પહેલી ઇનિંગમાં વિકેટકીપિંગ કરતી વખતે ઈજા થઈ હતી. ટીમ ઈન્ડિયાના કેપ્ટન શુભમન ગિલે પંતની ઈજા અને આગામી ટેસ્ટમાં રમવા અંગે અપડેટ આપ્યું છે. મેચ પછી પ્રેસ કોન્ફરન્સમાં કેપ્ટન શુભમન ગિલે કહ્યું કે, પંતની ઈજા ગંભીર નથી.
તેમણે કહ્યું, ’ઋષભ સ્કેન માટે ગયો હતો, પરંતુ કોઈ મોટી ઈજા નથી. તે આગામી ટેસ્ટ માટે ઠીક થઈ જશે.’ બીજી ઇનિંગમાં બેટિંગ કરતી વખતે રિષભ પંતને તકલીફ પડી રહી હતી. પહેલી ઇનિંગમાં, જ્યારે બુમરાહ બોલિંગ કરી રહ્યો હતો, ત્યારે પંતે એક બોલ રોકવા માટે ડાઇવ માર્યો અને જમણી બાજુ પડી જતાં તેને ઈજા થઈ.
આ પછી, તેણે વિકેટકીપિંગ ન કર્યું અને ધ્રુવ જુરેલે તેની જગ્યાએ આ જવાબદારી સંભાળી. ઈજાગ્રસ્ત થયા પછી પણ ઋષભ પંતે આ મેચમાં શાનદાર બેટિંગ કરી. પહેલી ઇનિંગમાં તેના બેટમાંથી 74 રન નીકળ્યા. તે સરળતાથી રન બનાવી રહ્યો હતો પરંતુ કેએલ રાહુલ સાથેના નબળા સંકલનને કારણે રન આઉટ થયો.
જોકે, બીજી ઇનિંગમાં જોફ્રા આર્ચરે શાનદાર બોલ ફેંકીને તેને બોલ્ડ આઉટ કર્યો. ભારત અને ઇંગ્લેન્ડ વચ્ચે ટેસ્ટ શ્રેણીની ચોથી મેચ 23 જુલાઈથી માન્ચેસ્ટરના ઓલ્ડ ટ્રેફોર્ડ મેદાન પર રમાશે.
