New Delhi,તા.૨૧
ડાબેરી પક્ષોના સાંસદોનું એક પ્રતિનિધિમંડળ મંગળવારે જંતર મંતર પર વિરોધ કરી રહેલા કોકરોચ જનતા પાર્ટી સમર્થકો સાથે એકતા દર્શાવવા પહોંચ્યું. તેમણે માંગ કરી કે ગૃહમંત્રી અમિત શાહ સોમવારની સંસદ કૂચ દરમિયાન પોલીસ કાર્યવાહી અંગે સંસદમાં નિવેદન આપે.
મંગળવારે જંતર-મંતર પહોંચેલા ડાબેરી સાંસદોમાં સીપીએમ રાજ્યસભાના સાંસદ જોન બ્રિટાસ, એ એ રહીમ અને વી શિવદાસન, સીપીઆઈ રાજ્યસભાના સાંસદ પી સંદોષ કુમાર અને લોકસભાના સાંસદ અમરા રામ અને એસ વેંકટેશનનો સમાવેશ થાય છે.
સીપીઆઈ(એમ) સાંસદ જોન બ્રિટાસે પ્રદર્શનો કરનારાઓને સંબોધતા, જોન બ્રિટાસે આરોપ લગાવ્યો કે કેન્દ્ર સરકાર શાંતિપૂર્ણ વિરોધને બળપ્રયોગથી દબાવવા માંગે છે. સમાચાર એજન્સી પીટીઆઈ અનુસાર, તેમણે કહ્યું, “આ દેશમાં એક પ્રકારનો માર્શલ લો અમલમાં છે. નિર્દોષ યુવાનો પર લાદવામાં આવેલી ક્રૂરતા અજાણી છે. તે દેશ માટે એક આંદોલન છે, છતાં તેમના પર નિર્દયતાથી હુમલો કરવામાં આવ્યો. અમે રાષ્ટ્રીય રાજધાનીમાં આટલો રક્તપાત ક્યારેય જોયો નથી.”
તેમણે વધુમાં આરોપ લગાવ્યો કે, “નિર્દોષ યુવાનોના માથા પણ ફોડવામાં આવ્યા હતા. ફક્ત પોલીસ જ નહીં, પરંતુ આરએસએસ ગુંડાઓ પણ તેમાં સામેલ હતા. આમ છતાં, વિદ્યાર્થીઓ ખૂબ જ ધીરજથી કામ લેતા સંસદ પહોંચ્યા.”
સીપીઆઇ નેતા સંદોષ કુમારે કહ્યું કે વિપક્ષ ઇચ્છે છે કે અમિત શાહ પોલીસ કાર્યવાહી અંગે સંસદમાં નિવેદન આપે, કારણ કે દિલ્હી પોલીસ ગૃહ મંત્રાલય હેઠળ છે. તેમણે કહ્યું, “અમારી બે માંગણીઓ છે. અમિત શાહે સંસદમાં આવીને શું થયું તે સમજાવવું જોઈએ, કારણ કે ભારતે ક્યારેય વિદ્યાર્થીઓ પર આવા અત્યાચાર જોયા નથી. ૩૦૦ થી વધુ વિદ્યાર્થીઓ ઘાયલ થયા હતા સીપીઆઈ નેતાના મતે, “આ માટે કોણ જવાબદાર છે? દિલ્હી પોલીસ અમિત શાહના નિયંત્રણમાં છે અને તેમણે રાષ્ટ્રને જવાબ આપવો પડશે. સમગ્ર વિપક્ષ આ ઇચ્છે છે.
એ યાદ રહે કે સોમવારે, કોકરોચ જનતા પાર્ટી દ્વારા બોલાવવામાં આવેલી કૂચમાં મોટી સંખ્યામાં લોકોએ જંતર-મંતરથી સંસદ તરફ કૂચ કરી હતી સુરક્ષા દળોએ તેમને રોકવા માટે ટીયર ગેસ છોડવા પડ્યા અને લાઠીચાર્જ કરવો પડ્યો. આ દરમિયાન, વિરોધીઓ દ્વારા પોલીસને પણ નિશાન બનાવવામાં આવી હતી.પોલીસ કર્મચારીઓ પર ભારે પથ્થરમારો પણ કરવામાં આવ્યો હતો.વિપક્ષ મંગળવારે સંસદના બંને ગૃહોમાં આ ઘટના પર ચર્ચાની માંગ કરી હતી અને વિપક્ષના હોબાળાને કારણે, સંસદની કાર્યવાહી સતત બીજા દિવસે વારંવાર ખોરવાઈ હતી અને આખરે આવતીકાલ સુધી સ્થગિત કરવામાં આવી હતી.
