Mumbai,તા.02
દેશના સૌથી ટોચના ઉદ્યોગપતિની કંપની રીલાયન્સ ઈન્ડસ્ટ્રી હવે તેના રિટેલ બીઝનેસમાં આઈસ્ક્રીમ પણ વેચશે. તેઓએ નવી બ્રાન્ડ લોંચ કરી દીધી છે. અગાઉ કોલા-બીઝનેસમાં ઝંપલાવી સોફટ ડિન્ક જાયન્ટ વિદેશી કંપનીઓને પડકાર કર્યા બાદ હવે ભારતમાં અમુલ, વાડીલાલ, હેવમોર તથા વિદેશી બાસ્કીન એન્ડ રોબીસન્સ સહિતની કંપનીઓ સાથે સ્પર્ધા કરશે. તેઓ બીઝનેસની અનોખી સ્ટાઈલ મુજબ રૂા.10ના કપની આઈસ્ક્રીમ વેચવાનો પ્રારંભ કર્યો છે.
તેમાં પહેલા મુંબઈ સહિત પુરા પશ્ચીમ ભારતમાં અને બાદમાં દેશભરમાં આઈસ્ક્રીમ વેચશે. અંબાણી તેની બ્રાન્ડને બોમ્બે ક્રિમેરી નામ આવશે. અંબાણી આઈસ્ક્રીમ માર્કેટમાં પ્રવેશી રહ્યા છે તે જાહેર થતા જ કવોલીટીના શેરના ભાવમાં 3%નો ઘટાડો થયો છે.
મોટાભાગની કંપનીએ નાના પેક રૂા.20માં વેચે છે. અંબાણી તે રૂા.10માં વેચશે. તેઓએ મુંબઈમાં આ આઈસ્ક્રીમ બ્રાન્ડ લોંચ કરી દીધી છે તથા આ આઈસ્ક્રીમ પ્રિમીયર ડેરી બ્રાન્ડ તરીકે ભવિષ્યમાં વિકસાવી બાદ પનીર વેચશે. હાલ આઈસ્ક્રીમના કપ, ટબ, બાર અને સ્ટીક વેચવાનું શરૂ કર્યુ છે.
