Morbi તા.17
મોરબીના વજેપર શેરી નંબર 13 માં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી ત્રણ મહિલા સહિત કુલ પાંચ વ્યક્તિઓ જુગાર રમતા મળી આવ્યા હતા જેથી પોલીસે 3,900 ની રોકડ સાથે તેની ધરપકડ કરી હતી અને એ ડિવિઝન પોલીસ સ્ટેશન ખાતે ગુનો નોંધીને આગળની કાર્યવાહી કરી હતી.
મોરબી એ ડિવિઝન પોલીસની ટીમ પેટ્રોલિંગમાં હતી ત્યારે વજેપર શેરી નં- 13 માં જાહેરમાં જુગાર રમતા હોવાની હકીકત મળી હતી જેના આધારે પોલીસે ત્યાં જુગારની રેડ કરી હતી .
ત્યારે સ્થળ ઉપરથી રવિભાઈ વિનુભાઈ પોયલા રહે. કાલિકા પ્લોટ શેરી નંબર 2 મોરબી, જયેશભાઈ હમીરભાઇ ખાંભલા રહે. લીલાપર રોડ સ્મશાનની આગળ મોરબી, પૂનમબેન રામજીભાઈ બાંભણીયા રહે. વજેપર શેરી નંબર 11 મોરબી, ઝરીનાબેન સલીમભાઈ સુમરા રહે. કાલિકા પ્લોટ શેરી નંબર 5 મોરબી અને જશુબેન દિલીપભાઈ પોયલા રહે. ભૂમિ ટાવર પાછળ વાવડી રોડ મોરબી વાળા જુગાર રમતા મળી આવ્યા હોય પોલીસે તેની પાસેથી 3,900 ની રોકડ કબજે કરી હતી અને એ ડિવિઝન પોલીસ સ્ટેશન ખાતે ગુનો નોંધી આગળની કાર્યવાહી હાથ ધરી છે
મોરબીના સોઓરડી વિસ્તારમાં રહેતા ધનજીભાઈ વાલજીભાઈ મકવાણા (49) નામના વ્યક્તિ રફાળેશ્વર ગામ પાસેથી બાઈકમાં જતા હતા ત્યારે બાઈક સ્લીપ થવાના કારણે અકસ્માતમાં ઈજા થઈ હતી જેથી તેને સારવાર માટે હોસ્પિટલે લઈને આવ્યા હતા તો મોરબીના જૂના નાગડાવાસ ગામે રહેતા ધીરુભાઈ પ્રભુભાઈ મિયાત્રા (55) નામના આધેડ ભરતનગર ગામ પાસે નીલકંઠ પેટ્રોલ પંપ નજીકથી બાઈકમાં જઈ રહ્યા હતા.
ત્યારે બાઈક સ્લીપ થવાના કારણે અકસ્માત થયો હતો જે બનાવમાં ઇજા પામેલ વ્યક્તિને સારવાર માટે મોરબીની ઓમ હોસ્પિટલ ખાતે લાવ્યા હતા અને ત્યાં તેને સારવાર આપીને આ બનાવની પોલીસને જાણ કરવામાં આવી છે.
જ્યારે મોરબીના ફડસર ગામે રહેતા સંજયભાઈ કિશોરભાઈ નિમાવત (40) નામના વ્યક્તિ સિકોતર માતાના મંદિર પાસેથી પસાર થઈ રહ્યા હતા ત્યારે બાઈક સ્લીપ થવાના કારણે અકસ્માત થયો હતો જે બનાવમાં ઇજા પામેલા યુવાનને સારવાર માટે લઈ ગયા હતા અને ત્યાર બાદ આ બનાવની પોલીસને જાણ કરવામાં આવી છે.
