ફાયરિંગની ઘટના બાદ મુખ્ય આરોપીઓ રેયાન, ફૂલ સિંહ અને રિતિક મુંબઈથી ફરાર થવાની કોશિશ કરી રહ્યા હતા
Mumbai, તા.૨૦
ટાઈગર શ્રોફ ફાયરિંગ કેસમાં મોટો ખુલાસોઃ માસ્ટરમાઇન્ડના સાથી સમીરની ધરપકડ, ૩૫ હજાર અને વિદેશમાં વસાવવાની લાલચ અપાઈ હોવાનો દાવો. બોલિવૂડ અભિનેતા ટાઈગર શ્રોફ સાથે જોડાયેલા ફાયરિંગ કેસમાં તપાસ કરી રહેલી હરિયાણા પોલીસને વધુ એક સફળતા મળી છે. પોલીસે આ કેસમાં સમીર નામના આરોપીની ધરપકડ કરી છે. તપાસમાં સામે આવેલી વિગતો મુજબ, સમીરની ભૂમિકા મુખ્ય આરોપીઓ અને વિદેશમાં બેઠેલા ગેંગસ્ટર અનિલ પંડિત વચ્ચે સંપર્ક સ્થાપિત કરવામાં મહત્ત્વની હતી.બોલિવૂડ અભિનેતા ટાઈગર શ્રોફ સાથે જોડાયેલા ફાયરિંગ કેસમાં તપાસ કરી રહેલી હરિયાણા પોલીસને વધુ એક સફળતા મળી છે. પોલીસે આ કેસમાં સમીર નામના આરોપીની ધરપકડ કરી છે.
તપાસમાં સામે આવેલી વિગતો મુજબ, સમીરની ભૂમિકા મુખ્ય આરોપીઓ અને વિદેશમાં બેઠેલા ગેંગસ્ટર અનિલ પંડિત વચ્ચે સંપર્ક સ્થાપિત કરવામાં મહત્ત્વની હતી. આરોપ છે કે મુખ્ય આરોપી રેયાન ઉર્ફે સુક્કાને આ ગુનામાં સામેલ થવા માટે ૩૫ હજાર આપવાની સાથે વિદેશમાં સ્થાયી થવાની લાલચ પણ આપવામાં આવી હતી. આ ધરપકડ બાદ સમગ્ર નેટવર્ક અને હુમલાની યોજના અંગે વધુ વિગતો બહાર આવવાની શક્યતા છે.પોલીસ તપાસ અનુસાર, સમીરે મુખ્ય આરોપીઓની વાત લોરેન્સ ગેંગ સાથે સંકળાયેલા અને કેલિફોર્નિયામાં બેઠેલા હોવાનું કહેવાતા અનિલ પંડિત સાથે કરાવી હતી. તપાસકર્તાઓને શંકા છે કે આ સંપર્કનો ઉપયોગ ફાયરિંગની યોજના તૈયાર કરવા અને આરોપીઓને ગુનામાં સામેલ કરવા માટે કરવામાં આવ્યો હતો.
મુખ્ય આરોપી રેયાન ઉર્ફે સુક્કાને આ કામના બદલામાં ૩૫ હજાર અને વિદેશમાં સેટલ થવાની લાલચ આપવામાં આવી હોવાનો દાવો છે. જોકે, આ તમામ વિગતો તપાસનો ભાગ છે અને કેસમાં આરોપીઓની ભૂમિકા અંગે અંતિમ નિર્ણય કોર્ટ દ્વારા પુરાવાના આધારે લેવામાં આવશે.આ કેસમાં હથિયાર આરોપીઓને સીધા સોંપવામાં આવ્યા નહોતા, પરંતુ તેને મેળવવા માટે અલગ મોડસ ઓપરેન્ડી અપનાવવામાં આવી હોવાની માહિતી સામે આવી છે. તપાસ અનુસાર, આરોપીઓને કચરાપેટી પાસે રાખવામાં આવેલા હથિયારને ત્યાંથી લઈ જવાની સૂચના આપવામાં આવી હતી.આરોપીઓ જગ્ગી એપ મારફતે અનિલ પંડિતના સંપર્કમાં રહેતા હોવાનો પણ તપાસમાં ઉલ્લેખ થયો છે. આ માધ્યમથી સંપર્ક કરવા માટે ઓળખની જરૂર પડતી નહોતી, જેના કારણે આરોપીઓ વચ્ચે સંકલન જાળવવામાં સરળતા રહેતી હોવાની આશંકા છે.પોલીસ હવે આ સંપર્ક વ્યવસ્થા, હથિયારની વ્યવસ્થા અને હુમલાની યોજના પાછળ કોણ-કોણ સામેલ હતું તે દિશામાં તપાસ આગળ વધારી રહી છે.
આ કેસની તપાસ દરમિયાન રેપિડો સાથે જોડાયેલી એક કડીનો પણ ઉલ્લેખ થયો છે. આ અંગે કંપનીએ સ્પષ્ટતા કરી છે કે કેસ સાથે સંકળાયેલો એક વ્યક્તિ અગાઉ તેમની સાથે કેપ્ટન તરીકે રજિસ્ટર્ડ હતો.કંપનીના જણાવ્યા અનુસાર, ઘટનાના દિવસે આ વ્યક્તિએ રેપિડોનો ઉપયોગ કેપ્ટન તરીકે નહીં, પરંતુ ગ્રાહક તરીકે કર્યો હતો. કંપનીએ વધુમાં જણાવ્યું છે કે પોલીસ તપાસમાં સંપૂર્ણ સહયોગ આપવામાં આવી રહ્યો છે.અહીં નોંધવું જરૂરી છે કે કોઈ વ્યક્તિએ અગાઉ કંપની સાથે કામ કર્યું હોય અથવા તેની સેવા લીધી હોય, એટલા માત્રથી કંપનીની સંડોવણી સાબિત થતી નથી.
