Jammu And Kashmir,તા.29
જમ્મુ-કાશ્મીરમાં આતંકવાદીઓનું નેટવર્ક ઝડપી પાડવા અને તેનો ખાતમો બોલાવવા માટે ચાલી રહેલા ઓપરેશનમાં મોટી સફળતા મળી છે. અવંતીપોરા પોલીસે સિક્યોરિટી ફોર્સે સાથે મળીને આતંકવાદી સંગઠન જૈશ-એ-મોહમ્મદના આતંકવાદી ઠેકાણાનો પર્દાફાશ કર્યો છે. ટીમે સ્થળ પરથી એક આતંકવાદી અને ખતરનાક હથિયારો-વિસ્ફોટકોનો જથ્થો પણ જપ્ત કર્યો છે.
વાસ્તવમાં અવંતીપોરા પોલીસને નાનેર મિદૂરામાં આતંકવાદીઓ હોવાની પાક્કી માહિતી મળી હતી. ત્યારબાદ ટીમે વિસ્તારની ઘેરાબંદી કર્યા સર્ચ ઓપરેશન શરૂ કરતા આતંકી ઠેકાણાનો પર્દાફાશ થયો હતો. પોલીસે સ્થળ પરથી નાનરના ગનાઈ મોહલ્લાનો રહેવાસી નઝીર અહેમદ ગનાઈની ધરપકડ કરી છે.
