માવતરના પડોશમાં રહી , કપડાંની દુકાન ચલાવતી મહિલાએ પુત્રને માવતરના ઘરે મૂકી ફાંસો ખાઈ જીવન ટૂંકાવ્યું
Rajkot,તા.29
શહેરમાં દિવસે અને દિવસે આપઘાતના બનાવો ચિંતાજનક રીતે વધી રહ્યા છે અને સંસારિક લોકો પરિવારની અંદર ઘર કંકાસના કારણે કંટાળીને જીવન દોરી ટૂંકાવાના બનાવો વધી રહ્યા છે ત્યારે રાજકોટમાં ગોવિંદરત્ન એપાર્ટમેન્ટ, 80 ફુટ રોડ, મટુકી રેસ્ટોરન્ટ પાસે, વાવડી વિસ્તાર માં માવતરના પડોશમાં રહેતી પરણીતા એ ગઈકાલે મોડી રાત્રે 12.30 વાગ્યાં આસપાસ પોતાના ફ્લેટમાં ગળાફાંસો ખાઈ લેતા સારવાર અર્થે રાજકોટ સિવિલ હોસ્પિટલમાં ખસેડાઈ હતી.સારવાર મળે તો પહેલા જ તબીબે મૃત જાહેર કરી હતી ઘટનાની જાણ થતા રાજકોટ તાલુકા પોલીસ સ્ટેશન નો સ્ટાફ ઘટના સ્થળે દોડી ગયો હતો અને મૃતદેહ ને પીએમ અર્થે ખસેડવામાં આવ્યો હતો .આ અંગે મળતી વિગત અનુસાર, ઉર્વશીબેન નયનભાઈ ધોકીયા (ઉંમર વર્ષ 30, રહે. હાલ ગોવિંદરત્ન એપાર્ટમેન્ટ, 80 ફુટ રોડ, મટુકી રેસ્ટોરન્ટ પાસે, વાવડી વિસ્તાર, રાજકોટ)એ ગઈકાલે મોડી રાત્રે 12.30 વાગ્યાં આસપાસ પોતાના ફ્લેટમાં ગળાફાંસો ખાઈ લેતા સારવાર અર્થે રાજકોટ સિવિલ હોસ્પિટલમાં ખસેડાઈ હતી. સારવાર મળે તે પહેલા જ તબીબે પરણીતાને મૃત જાહેર કરી હતી. ઘટના સ્થળે તાલુકા પોલીસ નો સ્ટાફ દોડી ગયો હતો અને મૃતદેહ ને પીએમ અર્થે ખસેડવામાં આવ્યો હતો આ અંગે પરિવાર અને પોલીસ સૂત્રો પાસેથી મળેલી વિગત અનુસાર, ઉર્વશીના લગ્ન 10 વર્ષ પહેલા જામનગરના નયન ધોકીયા સાથે થયા હતા. લગ્ન જીવન દરમ્યાન પુત્રનો જન્મ થયો હતો. જે હાલ 7 વર્ષનો છે. લગ્નજીવનમાં ઘર કંકાસ અને અણબનાવ થતા ઉર્વશી ત્રણેક વર્ષ પહેલા રાજકોટ માવતરે રહેવા આવી હતી. બાદમાં પોતે અલગ ફ્લેટ ભાડે રાખી સાત વર્ષના પુત્ર સાથે રહેતી હતી અને ઘર પાસે જ 80 ફૂટ રોડ પર રેડીમેઈડ કપડાંની દુકાન ચલાવતી હતી. પતિ સામે કોર્ટ કેસ કર્યો હતો. ઉર્વશીના માતા – પિતા, ગોવર્ધન ચોક પાસે 150 ફૂટ રીંગ રોડ પર આવેલ રોયલ એલીગન્સ એપાર્ટમેન્ટમાં રહેતા હોય, ગઈકાલે પુત્રને નાના-નાનીના ઘરે રાખ્યો હતો. પછી પોતે રાત્રે 12.30 વાગ્યાં આસપાસ પોતાના ફ્લેટમાં હતી ત્યારે પોતાના ભાઈ યાજ્ઞિકના મિત્રને વીડિયો કોલ કર્યો હતો અને જણાવ્યું હતું કે, તેણી કોર્ટ કેસથી કંટાળી ગઈ છે. કોર્ટ કચેરીના ધક્કા ખાઈ થાકી ગઈ છે. હવે મરી જવું છે. તેમ વીડિયો કોલમાં કહેતા મિત્રએ તુરંત ઉર્વશીના ભાઈ યાજ્ઞિકને જાણ કરી હતી. યાજ્ઞિક ગોવર્ધન ચોકમાં રોયલ એલીગન્સ એપાર્ટમેન્ટમાં પોતાના ઘરે હતો. તે તુરંત મિત્ર સાથે ગોવિંદરત્ન એપાર્ટમેન્ટ, 80 ફુટ રોડ ખાતે દોડી ગયો હતો. ત્યાં ફ્લેટમાં જઈ જોયું તો ઉર્વશી ફાંસો ખાધેલી જોવા મળી હતી ઉર્વશીબેનના આપઘાતથી સાત વર્ષનો પુત્ર મા વિહોણો થતા પરિવારમાં શોક છવાયો હતો.આ અંગે તાલુકા પોલીસને જાણ કરતા પીએસઆઈ એસ. પી. ચૌહાણ, તપાસ હાથ ધરી છે
