America,તા.11
અંતરિક્ષમાં મહિનાથી ફસાયા બાદ નાસાના અંતરિક્ષ યાત્રી સુનીતા વિલિયમ્સ અને બચ વિલ્મોર પોતાના પ્રિયજનો માટે ઘરે પરત ફરવાની ઈમોશનલ અપીલ કરી રહ્યા છે. જો કે, આંતરરાષ્ટ્રીય અંતરિક્ષ સ્ટેશન પર તેમનો પ્રવાસ પ્રારંભિક યોજનાથી ક્યાંય લાંબો થઈ ગયો છે. પણ બંને અંતરિક્ષ યાત્રી સારા મૂડમાં છે અને તેમણે લોકોને ખાતરી આપી છે કે ભોજન અને કપડા જેવી તેમની પાયાની જરુરિયાતોનું સારી રીતે ધ્યાન રાખવામાં આવી રહ્યું છે.
નાસાએ ફેબ્રુઆરી 2025 માટે નિર્ધારિત વાપસીની ઉડાનને ફટાફટ માર્ચના અંતમાં પુનનિર્ધારિત કરી છે. જેના ભાગરુપે તેમને અંતરિક્ષમાં નવ મહિનાથી પણ વધારે સમય સુધી રહેવું પડશે. નાસાના અધિકારીઓ સાથે વાત કરત, બંને અંતરિક્ષ યાત્રીઓએ પોતાના અનુભવ વિશે હાસ્ય અને આશાવાદ વ્યકત કર્યો. પણ પોતાના પરિવાર સાથે ફરીથી મળવા અને સામાન્ય જીવનમાં પરત ફરવાની આતુરતાપૂર્વક રાહ જોઈ રહ્યા છે.
કોલ દરમ્યાન વિલિયમ્સે કહ્યું કે, અહીં કામ કરવું ખૂબ જ ખુશીની વાત છે. એવું નથી લાગતું કે અમે અલગ પડી ગયા છીએ. આખરે અમે ઘર જવા માગીએ છીએ, કારણ કે થોડા સમય પહેલા અમે પરિવારને છોડ્યો છે. પણ અહીં રહેતા અમારી પાસે કરવા માટે ઘણું બધું છે.
ISS પર નિયમિત સંચાલન પુરુ કરવા ઉપરાંત, વિલિયમ્સ અને વિલ્મોર, નાસાના બે દિગ્ગજ સ્પેસએક્સ 31ની સાથે નિર્ધારિત વૈજ્ઞાનિક પ્રયોગોની એક સિરીઝનું મેનેજમેન્ટ કરવામાં વ્યસ્ત છે. સાથે જ આગામી સ્પેસવોક પણ છે, જે તેમના દિવસના મહત્વના કામોથી ભરાયેલું છે.
અંતરિક્ષ યાત્રી બુચ વિલ્મોર અને સુનીતા વિલિયમ્સે ISS પર જીવનની વિચિત્રતાઓમાં હાસ્ય જોયું. જેમાં કેટલાય અઠવાડીયા સુધી કપડા પહેરવા અને પોતાના ખાવાની આદતોને મેનેજ કરવાનું સામેલ છે. વિલ્મોરે પોતાના ભોજનની સપ્લાઈ વિશે લોકોને ખાતરી આપતા કહ્યું કે, અમને સારી રીતે ખાવાનું મળે છે.
તો વળી વિલિયમ્સની ખરાબ સ્વાસ્થ્યને દર્શાવતી અમુક તસવીરો સામે આવ્યા બાદ તેમના સ્વાસ્થ્ય વિશે ચિંતા થવાનું બાદમાં આવ્યું. જેમાં કેટલાય નિષ્ણાંતોએ જણાવ્યું કે તે નબળા દેખાઈ રહ્યા છે અને તેમની માંસપેશીઓ નબળી થઈ રહી છે.
