કામ કર્યા બાદ થાકનો અનુભવ થવો સામાન્ય બાબત છે પરંતુ એનર્જી લેવલ ઓછું થયા બાદ પણ પોતાના શરીરની ક્ષમતાથી વધુ કામ કરવાની જિદ ઓવરબર્ડનનું કારણ બનવા લાગે છે. તેની અસર કામની ગુણવત્તા સિવાય મેન્ટલ હેલ્થ પર પણ નજર આવવા લાગે છે. વર્ક પ્રેશર વધવાથી વ્યક્તિને તણાવ સહિત ઘણી સમસ્યાઓનો સામનો કરવો પડે છે. મનોવિજ્ઞાનીઓના જણાવ્યા અનુસાર વર્કપ્લેસ પર ખુશીનું વાતાવરણ ન મળવા અને સતત થાકનો અનુભવ કરવાથી એન્ગઝાયટી અને ડિપ્રેશન જેવી માનસિક સમસ્યાઓ થવા લાગે છે.
આ રીતે કામનું ભારણ મેન્ટલ હેલ્થ બગાડે છે
1. સતત બ્રેક લીધા વિના કામ કરવાથી વ્યક્તિ ઓવરબર્ડન અનુભવવા લાગે છે. જેના કારણે કોઈ પણ કામ પર ફોકસ કરવામાં મુશ્કેલી થવા લાગે છે. વર્ક પ્રોડક્ટિવિટી અસંતુલિત થઈ જાય છે અને નર્વસનેસનો સામનો કરવો પડે છે.
2. દર વખતે થાક અને આળસથી ઝઝૂમવું પડે છે. તે લોકો જે ઓવરબર્ડન હોય છે, તે કામના કારણે મીલ્સ સ્કિપ કરવા લાગે છે, જેનાથી શરીરમાં કમજોરી વધવા લાગે છે. જેના કારણે શારીરિક અને માનસિક આરોગ્ય પર ખરાબ અસર પડવા લાગે છે.
3. કામના ભારણના કારણે લોકો કોઈ પણ કાર્યને પુરું કરી શકતાં નથી અને આજના કામને કાલ પર ટાળવા લાગે છે. વર્કલોડ વધુ હોવાથી કામની પ્રાયોરિટી સેટ કરી શકતાં નથી. તેનાથી ઓવરઓલ પરફોર્મન્સ પર તેની અસર નજર આવવા લાગે છે. જેથી સ્ટ્રેસ વધવા લાગે છે.
4. આવા લોકો દરેક પળે કાર્ય કરવાના કારણે તણાવથી ઘેરાયેલા લાગે છે. તેની અસર તેમના વિચારો પર નજર આવવા લાગે છે અને તેની આસપાસ નકારાત્મકતા વધી જાય છે અને તે ડિપ્રેશન અને એન્ગ્ઝાયટીનો શિકાર થઈ જાય છે.
5. લોકો સાથે કારણ વિના અંતર રાખવું અને પોતાને સાચું સાબિત કરવું ઓવરબર્ડનને દર્શાવે છે. પોતાને અલગ અને સુપીરિયર સાબિત કરનાર લોકો મોટાભાગે ઓવરબર્ડનનો શિકાર થાય છે. આવા લોકો પોતાને આઈસોલેટ કરવા લાગે છે, જેનાથી તેમનું સોશિયલ સર્કલ ઓછું થવા લાગે છે અને મેન્ટલ હેલ્થ પણ ખરાબ થવા લાગે છે.
ઓવરબર્ડનથી બચવાના ઉપાય
1. પોતાના કાર્યની ક્વોલિટી અને ક્વોન્ટિટી વધારવા માટે પ્રાયોરિટી સેટ કરો. જેના કારણે વ્યક્તિ સરળતાથી જરૂરી કાર્યોને પહેલા ખતમ કરવા લાગે છે, જેનાથી કારણ વિનાના થાક અને તણાવથી બચાવી શકાય છે.
2. પોતાની શારીરિક ક્ષમતા અનુસાર જ કાર્યને કરો. તેનાથી કાર્યની ગુણવત્તાને વધારી શકાય છે. દિવસભર કામ દરમિયાન બ્રેક લો અને સપ્તાહના અંતમાં પોતાના માટે સમય કાઢો અને ફરવા જાવ.
3. જ્યારે કાર્ય દરમિયાન તમે બીજાઓ સાથે હળો-મળો છો અને વાતચીત કરો છો તો તેનાથી મનમાં હળવાશ અનુભવાય છે, જેનાથી તણાવ અને ડિપ્રેશનથી બચી શકાય છે. તેનાથી માઈન્ડ રિલેક્સ રહે છે.
4. પૌષ્ટિક આહાર લેવાથી શરીરને જરૂરી પોષક તત્વ મળે છે, જેનાથી મેન્ટલ હેલ્થમાં સુધારો થાય છે અને ભૂલવાની સમસ્યાથી રાહત મળી જાય છે.
5. દરેક ક્ષણે મગજમાં ચાલતા વિચારોથી છુટકારો મેળવવા માટે મેડિટેશન કરો. તેનાથી માનસિક શાંતિ મળે છે અને મેન્ટલ હેલ્થ તંદુરસ્ત રહે છે.
