New Delhi,તા.28
નેશનલ ઇન્વેસ્ટિગેશન એજન્સી (NIA) માનવ તસ્કરી કેસમાં છ રાજ્યોમાં 22 સ્થળો પર સર્ચ કરી રહી છે. NIA દ્વારા કયા રાજ્યોમાં દરોડા પાડવામાં આવી રહ્યા છે તેની માહિતી બહાર આવી નથી.
હાલમાં NIA દ્વારા દરોડા અંગે કોઈ સત્તાવાર નિવેદન બહાર પાડવામાં આવ્યું નથી. એવું કહેવામાં આવી રહ્યું છે કે, એક સંગઠિત ગેંગે નોકરીના બહાને ભારતીય યુવાનોને લલચાવીને વિદેશમાં તસ્કરી કરી અને સાયબર ફ્રોડમાં સામેલ નકલી કોલ સેન્ટરમાં કામ કરવા માટે દબાણ કરતી હોવાનું બહાર આવ્યું છે.
અધિકારીઓએ જણાવ્યું કે, બિહાર, ઉત્તર પ્રદેશ અને દિલ્હી સહિત અન્ય સ્થળોએ દરોડા પાડવામાં આવી રહ્યા છે. બિહારના ગોપાલગંજમાં પોલીસ દ્વારા નોંધાયેલ આ કેસ એક સંગઠિત ગેંગ સાથે સંબંધિત છે.
આ ટોળકી ભારતીય યુવાનોને નોકરીના વાયદા સાથે વિદેશ લઈ જાય છે અને સાયબર છેતરપિંડીમાં સંડોવાયેલા નકલી કોલ સેન્ટરમાં કામ કરવા દબાણ કરે છે.
