મસ્જિદની અંદર હજુ પણ પુરાવા છે, જે સાબિત કરે છે કે શાહી જામા મસ્જિદ પહેલા શ્રી હરિહર મંદિર હતું.
Lucknow,તા.૨૫
સંભલની શાહી જામા મસ્જિદ વિવાદના સર્વેને લઈને હોબાળો ઘણો વધી ગયો છે. અહીં બદમાશોએ પોલીસ પર પથ્થરમારો કર્યો હતો. દરમિયાન પોલીસ હવે આરોપીઓ સામે કાર્યવાહી કરવામાં વ્યસ્ત છે. દરમિયાન, શાહી જામા મસ્જિદ વિવાદના મુખ્ય અરજદાર અને કેલા દેવી મંદિરના મહંત ઋષિરાજ ગિરી મહારાજે વાત કરી હતી. આ દરમિયાન તેમણે અહીં મંદિર હોવાના દાવા અંગે વિસ્તૃત માહિતી આપી હતી.
અરજદાર મહંત ઋષિરાજ ગિરી દાવો કરે છે કે તેમની પાસે એક નકશો છે, જે વિક્રમ સંવત ૯૮૭નો છે. આ નકશામાં સમગ્ર સંભલ જિલ્લાને ચિહ્નિત કરવામાં આવ્યો છે. આ નકશામાં સંભલના ૬૮ તીર્થસ્થાનોનો ઉલ્લેખ છે. આ સાથે ૧૯ કુવાઓનો પણ ઉલ્લેખ છે. મહંત ઋષિરાજ ગિરી દાવો કરે છે કે આ ૧૯ કૂવાઓમાંથી એક હાલની શાહી જામા મસ્જિદની અંદર છે, જે અગાઉ શ્રી હરિહર મંદિર તરીકે ઉપયોગમાં લેવાતું હતું. બાબરે મંદિર તોડીને ત્યાં મસ્જિદ બનાવી હતી.
મહંત ઋષિરાજ ગિરી એવો પણ દાવો કરે છે કે મસ્જિદની અંદર હજુ પણ પુરાવા છે, જે સાબિત કરે છે કે શાહી જામા મસ્જિદ પહેલા શ્રી હરિહર મંદિર હતુંં. આ સિવાય મહંત ઋષિરાજ ગિરીનો દાવો છે કે અહીં મંદિરના અસ્તિત્વનો ઉલ્લેખ બાબરનામા પુસ્તકમાં પણ છે. આ સાથે મહંત ઋષિરાજ ગિરીએ અન્ય એક પુસ્તકનો ઉલ્લેખ કર્યો છે અને તે જ પુસ્તકના આધારે તેમણે દાવો કર્યો છે કે પહેલા અહીં શ્રી હરિહર મંદિર હતું.
મહંત ઋષિરાજ ગિરીનું કહેવું છે કે તેઓ કોર્ટમાં અરજી દાખલ કરશે અને કોર્ટને વિનંતી કરશે કે શાહી જામા મસ્જિદમાં નમાઝ પઢવા પર પ્રતિબંધ મુકવામાં આવે અને હિન્દુઓને ત્યાં પૂજા કરવાની છૂટ આપવામાં આવે. અરજીકર્તા મહંત ઋષિરાજ ગિરીનું કહેવું છે કે સંભલની શાહી જામા મસ્જિદમાં થયેલી હિંસા નિંદનીય છે, તોફાનીઓ સ્થાનિક રહેવાસીઓ ન હતા પરંતુ તેમને દૂર દૂરથી બોલાવવામાં આવ્યા હતા. મતલબ કે જે હિંસા થઈ છે તે આયોજનબદ્ધ રીતે કરવામાં આવી હતી. મહંત ઋષિરાજ ગિરીનું કહેવું છે કે તેમને કોર્ટમાં સંપૂર્ણ વિશ્વાસ છે અને મુસ્લિમ પક્ષને પણ કોર્ટમાં વિશ્વાસ હોવો જોઈએ. કોર્ટ જે પણ આદેશ આપે તેનું પાલન કરવું જોઈએ.સંભલ મસ્જિદ વિવાદના મુખ્ય અરજદાર Rishiraj Giriમહારાજે જૂનો નકશો બતાવ્યો
