Ahmedabad,તા.૨
ડિસેમ્બરના પ્રારંભ સાથે જ ઠંડીના ચમકારામાં સાધારણ વધારો થયો છે. શનિવારે ૬ શહેરમાં ૧૫ ડિગ્રીથી નીચું તાપમાન નોંધાયું હતું. વડોદરા-ડાંગમાં ૧૩ ડિગ્રી સાથે સૌથી વઘુ ઠંડી નોંધાઇ હતી.
અમદાવાદમાં ૩૦મી નવેમ્બરે ૧૫.૪ ડિગ્રી સાથે સરેરાશ લધુતમ તાપમાનમાં સામાન્ય કરતાં ૦.૩ ડિગ્રીનો વધારો નોંધાયો હતો. આગામી પાંચ દિવસ અમદાવાદનું લધુતમ તાપમાન ૧૫થી ૧૭ ડિગ્રી વચ્ચે રહેવાની હવામાન વિભાગની આગાહી છે. હવામાન નિષ્ણાતોને મતે અમદાવાદમાં ૬ ડિસેમ્બર બાદ અમદાવાદમાં ઠંડીનું જોર વધશે. જ્યારે ૧૫ ડિગ્રીથી નીચું તાપમાન નોંધાયું તેમાં ડીસા, પોરબંદર, જામનગર, રાજકોટનો સમાવેશ થાય છે. હવામાન વિભાગના જણાવ્યાનુસાર, ’આગામી ૩ દિવસ લધુતમ તાપમાનમાં ફેરફારની સંભાવના નહીવત છે. આ પછી ચાર દિવસ દરમિયાન લધુતમ તાપમાનમાં ૨-૩ ડિગ્રીનો વધારો થઇ શકે છે.
ગુજરાતમાં ક્યાં વધુ ઠંડી
વડોદરા ૧૩.૦ ડિગ્રી
ડાંગ ૧૩.૦ ડિગ્રી
ડીસા ૧૩.૮ ડિગ્રી
પોરબંદર ૧૩.૮ ડિગ્રી
જામનગર ૧૩.૯ ડિગ્રી
રાજકોટ ૧૪.૭ ડિગ્રી
શહેર તાપમાન
અમદાવાદ ૧૫.૪ ડિગ્રી
ગાંધીનગર ૧૫.૯ ડિગ્રી
ભુજ ૧૬.૨ ડિગ્રી
ભાવનગર ૧૭.૫ ડિગ્રી
કંડલા ૧૮.૨ ડિગ્રી
સુરત ૧૮.૮ ડિગ્રી
