Morbi,તા.11
વાંકાનેરના મિલ પ્લોટમાં મહિલાના રહેણાંક મકાનમાં જુગાર અખાડો ઝડપી લઈને પોલીસે જુગાર રમતા ૧૦ ઇસમોને ઝડપી લઈને રોકડ રૂ ૧૬,૧૦૦ જપ્ત કરી છે
વાંકાનેરના મિલ પ્લોટ ડબલ ચાલીમાં રહેતા રૂડીબેન ગોરિયાના રહેણાંક મકાનમાં બહારથી માણસો બોલાવી જુગાર સાધનો પુરા પાડી જુગાર અખાડો ચલાવતી હોવાની બાતમીને આધારે પોલીસે રેડ કરી હતી મકાનમાં જુગાર રમતા રૂડીબેન કરશનભાઈ ગોરિયા, અજય મંગાભાઈ રાતોજા, ભૂપત ધરમશીભાઈ ઝાલા, શાહરૂખ હૈદર જેડા, સતીષ રઘુભાઈ કઉડર, મહેશ પ્રેમજી બાવળિયા, આશીફ નુરમામદ બ્લોચ, કૃણાલ મનસુખ માલકીયા, હસન દોસમામદ મોવર અને અનવર દાઉદ બાબરિયા એમ ૧૦ ઇસમોને ઝડપી લઈને રોકડ રૂ ૧૬,૧૦૦ જપ્ત કરી જુગાર ધારા મુજબ કાર્યવાહી હાથ ધરી છે
વાંકાનેરના જુના રાજાવડલા ગામે જુગાર રમતી ત્રિપુટી ઝડપાઈ
વાંકાનેરના જુના રાજાવડલા ગામમાં મંદિર પાસે જાહેરમાં જુગાર રમતી ત્રિપુટીને ઝડપી લઈને પોલીસે રોકડ રકમ કબજે લીધી છે
વાંકાનેર સીટી પોલીસ ટીમ પેટ્રોલિંગમાં હોય દરમિયાન જુના રાજાવડલા ગામમાં ઠાકર મંદિર પાસે જુગારની બાતમી મળતા ટીમે રેડ કરી હતી જાહેરમાં જુગાર રમતા રાજેશ ગાંડુભાઈ દલસાણીયા, પ્રકાશ જેરમાં સોલંકી અને કરણ શામજી ડેડાણીયા રહે ત્રણેય જુના રાજાવડલા તા. વાંકાનેર વાળાને ઝડપી લઈને રોકડ રૂ ૧૬,૪૦૦ જપ્ત કરી છે
