અફઘાનિસ્તાનમાં મોસમી પૂર, ભૂસ્ખલન અને ભૂકંપ સહિત કુદરતી આપત્તિઓનું જોખમ વધુ છે
Afghanistan, તા.૨૨
ભારતના પડોશી દેશ અફઘાનિસ્તાનમાં ફરી એકવાર ભૂકંપના જોરદાર આંચકા અનુભવાયા છે. નેશનલ સેન્ટર ફોર સિસ્મોલોજી અનુસાર, વહેલી સવારે અફઘાનિસ્તાનમાં ૪.૯ તીવ્રતાનો ભૂકંપ આવ્યો હતો, જેના કારણે લોકોમાં ગભરાટ ફેલાયો હતો. મોડી રાત્રે આવેલા આ ભૂકંપના કારણે અનેક લોકો ઘરની બહાર દોડતા જોવા મળ્યા હતા. જો કે હજુ સુધી કોઈ નુકસાનના સમાચાર નથી.નેશનલ સેન્ટર ફોર સિસ્મોલોજી અનુસાર, આ ભૂકંપ રાત્રે ૧ વાગે આવ્યો હતો અને તેની ઊંડાઈ ૧૬૦ કિમી હતી. આ પહેલા ૧૩ માર્ચે અફઘાનિસ્તાનમાં ૪.૦ની તીવ્રતાનો ભૂકંપ આવ્યો હતો.નોંધનીય છે કે છીછરી ઊંડાઈના ધરતીકંપો વધુ ઊંડાઈના ધરતીકંપો કરતાં વધુ ખતરનાક હોય છે. તેનું કારણ એ છે કે આ ભૂકંપમાં પૃથ્વીની સપાટીની નજીક વધુ ઉર્જા છોડવામાં આવે છે, જેના કારણે જમીન ઝડપથી હલે છે અને ઈમારતોને વધુ નુકસાન થાય છે. જેના કારણે લોકોના જાનહાનિ થવાનું જોખમ પણ વધી જાય છે. બીજી બાજુ, વધુ ઊંડાણમાં ધરતીકંપની ઉર્જા સપાટી પર પહોંચતા જ નબળી પડી જાય છે. અફઘાનિસ્તાનમાં મોસમી પૂર, ભૂસ્ખલન અને ભૂકંપ સહિત કુદરતી આપત્તિઓનું જોખમ વધુ છે.
