Rajkotના ચાર સહીત રાજ્યના 49 ફોજદારોને પીઆઈનું પ્રમોશન

Rajkot,તા.10

રાજકોટ શહેર જિલ્લાના ચાર બિન હથિયારી પીએસઆઇ સહિત રાજ્યના કુલ 49 પીએસઆઇને પીઆઇનું પ્રમોશન આપવામાં આવ્યું છે. રાજકોટ શહેર પોલીસની પીસીબી શાખામાં ફરજ બજાવતા પીએસઆઇ એમ જે હુણ અને પ્ર.નગર પોલીસ મથકના પી.એસ.આઇ. બી વી બોરીસાગર સહિત સૌરાષ્ટ્રના 12 મળી કુલ 49 બિન હથિયારી પીએસઆઇને બઢતી આપવામાં આવી છે.  રાજ્ય પોલીસ બેડામાં બઢતી અને બદલીની મોસમ પુરબહારમાં ખીલી હોય તેવી રીતે એએસઆઈથી પીએસઆઇ, પીએસઆઇથી પીઆઇ સહિતની બઢતી અને બદલીના ઓર્ડર ધડાધડ જાહેર કરવામાં આવી રહ્યા છે. ત્યારે રાજ્ય સરકાર દ્વારા વધુ એક બઢતીનો લીથો જાહેર કરવામાં આવ્યો છે. બઢતીના આદેશ અંગે જો વાત કરવામાં આવે તો રાજકોટ શહેર પોલીસની પીસીબી શાખામાં ફરજ બજાવતા પીએસઆઇ એમ જે હુણ અને પ્રનગર પોલીસ મથકના પીએસઆઇ બી વી બોરીસાગરને પીઆઈનું પ્રમોશન આપવામાં આવ્યું છે. રાજકોટ ગ્રામ્યના આર.એસ સાકળીયા અને કે.એસ. ગરચરને પણ પીઆઇ તરીકે બઢતી આપવામાં આવી છે. આ ઉપરાંત સૌરાષ્ટ્રના કુલ 12 પીએસઆઇ જેમાં ભાવનગરના વી કે મકવાણા, જામનગરના એ કે પટેલ, ગાંધીધામના આર સી રામાનુજ, દ્વારકાના ડી એન વાંઝા, ભાવનગરના બી બી સોલંકી અને જી ડી બારોટ, જૂનાગઢના એમ એન કાતરીયા, ગાંધીધામના બી જી ડાંગર, બી પી આહીર અને એ વી પટેલને બઢતી આપવામાં આવી છે.