Morbi, તા.25
મોરબી, હળવદ, માળીયા અને ટંકારા તાલુકામાં જુગારની જુદી જુદી છ રેડ કરવામાં આવી હતી જેમાં એક મહિલા સહિત કુલ 18 વ્યક્તિઓને પકડવામાં આવ્યા છે પકડાયેલા લોકો પાસેથી પોલીસે 1,75,100 નો મુદામાલ કબજે કર્યો છે.
મોરબી તાલુકાના કેરાળા (હરીપર) ગામે રહેતા અતુલભાઇ વસીયાણીના રહેણાંક મકાનમાં એલસીબીની પોલીસે જુગારની રેડ કરી હતી ત્યારે સ્થળ ઉપરથી જુગાર રમતા નિલેશભાઈ નરભેરામભાઈ વીરપરિયા (42) રહે કેરાળા, નવીનભાઈ ભુરાભાઈ પાંચોટિયા (50) રહે ભરતનગર અને જગદીશભાઈ જીવરાજભાઈ ભાલોડીયા (59) રહે લક્ષ્મી સોસાયટી મોરબી વાળા જુગાર રમતા મળી આવ્યા હોય પોલીસે તેની પાસેથી 1,20,500 કબ્જે કર્યા હતા.
જોકે ઘરધણી હાજર ન હોય હાલમાં ચાર શખ્સો સામે મોરબી તાલુકા પોલીસ સ્ટેશન ખાતે ગુનો નોંધાયો છે. હળવદ તાલુકાના નવા ઇસનપુર ગામે નર્મદા કેનાલ તરફ જવાના રસ્તા ઉપર જાહેરમાં રમતા વરસીંગભાઇ વરાણીયા (57), કાંતિભાઈ રાજાભાઈ પરમાર (40) અને પરેશભાઈ પ્રેમજીભાઈ મકવાણા (19) મળી આવ્યા હોય પોલીસે 2,050 ની રોકડ સાથે તેની ધરપકડ કરી હતી મોરબીમાં શાક માર્કેટ ચોક પાસે જાહેરમાં વરલી જુગારના આંકડા લેતા પ્રકાશભાઈ પ્રવીણભાઈ સાવરીયા (30) રહે સબ જેલ પાસે વણકરવાસ મોરબી વાળો વરલી જુગારના આંકડા લેતા મળી આવેલ હોય 350 રૂપિયાની રોકડ સાથે તેની ધરપકડ કરી હતી.
મોરબીના ઇન્દિરાનગર વિસ્તારમાં ખોડીયાર મા ના મંદિર પાસેથી દેવરાજભાઈ સોમાભાઈ સનુરા (32), રમેશભાઈ મગનભાઈ વરાણીયા (50) અને મહેશભાઈ મગનભાઈ વરાણીયા (36) રહે બધા મોરબી વાળા જુગાર રમતા મળી આવ્યા હોય પોલીસે તેની પાસેથી 6,800 ની રોકડ કબજે કરી હતી.
માળીયા મીયાણાના દેવગઢ ગામે મેળાના મેદાનમાં જુગાર રમતા હોવાની હકીકત આધારે પોલીસે ત્યાં જુગારની રેડ કરી હતી ત્યારે સ્થળ ઉપરથી ગોપાલભાઈ વલમજીભાઈ જીવાણી રહે, પટેલ નગર કુશ એપાર્ટમેન્ટ મોરબી, હનીફભાઈ તાજમામદભાઈ ભટ્ટી રહે. માળિયા, હિતેશભાઈ મહેશભાઈ ઠાકોર રહે. માંડલ અમદાવાદ અને લીલાધરભાઇ બેચરભાઈ સંતોકી રહે. પંચાસર રોડ મોરબી વાળા જુગાર રમતા મળી આવ્યા હોય પોલીસે 20,900 ના મુદ્દા માલ સાથે તેની ધરપકડ કરે છે.
ટંકારા તાલુકાના ઘુનડા (સજનપર) ગામે ચોરા વાળી શેરીમાં જાહેરમાં રમતા મેહુલભાઈ ધનજીભાઈ સીતાપરા (25) રહે. હડમતીયા, કિશોરભાઈ વલ્લભભાઈ પાટડીયા (29) રહે. ઘૂનડા, વિરમભાઈ ઉર્ફે વીરજીભાઈ લગધીરભાઈ મકવાણા (54) રહે. નવાગામ અને સોમીબેન મનીષભાઈ બગથરીયા (32) મળી આવ્યા હોય પોલીસે તેની પાસેથી 24,500 ની રોકડ કબજે કરી હતી.
