Morbi, તા.17
મોરબી બી ડિવિઝન પોલીસની ટીમ પેટ્રોલિંગમાં હતી ત્યારે નવલખી રોડ ઉપર આવેલ રણછોડનગરમાં જલારામ એપાર્ટમેન્ટમાં રહેતા સાગરભાઇ પલાણના રહેણાંક મકાનમાં દારૂનો જથ્થો હોવાની હકીકત મળી હતી.
જેના આધારે પોલીસે ત્યાં દારૂની રેડ કરી હતી ત્યારે સ્થળ ઉપરથી દારૂની જુદી જુદી બ્રાન્ડની કુલ મળીને 7 બોટલ મળી આવતા પોલીસે 4,700 ની કિંમતનો દારૂનો જથ્થો કબજે કર્યો હતો અને રેડ કરવામાં આવી હતી ત્યારે આરોપી ઘરે હાજર ન હોય હાલમાં સાગરભાઇ કાંતિલાલ પલાણ રહે. જલારામ એપાર્ટમેન્ટ સ્ટેટમેન્ટ સ્કૂલની પાછળ મોરબી વાળાની સામે બી ડિવિઝન પોલીસ સ્ટેશન ખાતે ગુનો નોંધી તેને પકડવા માટે તજવીજ શરૂ કરી છે.
મોરબી તાલુકાના રંગપર ગામની સીમમાં ક્રિકેટ ગ્રાઉન્ડની પાછળના ભાગમાં આવેલ જાડી જાખરામાં દારૂની રેડ કરવામાં આવી હતી ત્યારે ત્યાં સ્થળ ઉપરથી 350 લિટર દેશી દારૂ મળી આવતા પોલીસે 70 હજાર રૂપિયાની કિંમતનો દારૂનો જથ્થો કબજે કર્યો હતો અને આરોપી સુરાભાઈ હીરાભાઈ માથાસુરીયા (53) તથા ગુલાબભાઇ ઉર્ફે જલાભાઇ વિકુભાઈ સાડમિયા (22) રહે. બંને હાલ રંગપર ગામની સીમ મહાવીરસિંહ ઝાલાની વાડીએ મોરબી વાળાની ધરપકડ કરેલ છે તે બંને સામે મોરબી તાલુકા પોલીસ સ્ટેશન ખાતે ગુનો નોંધાયો છે
હળવદ તાલુકાના ધણાદ ગામની સીમમાં આવેલ ખરાબામાં બાવળની કાંટમાં દારૂની રેડ કરવામાં આવી હતી ત્યારે સ્થળ ઉપરથી દેશી દારૂ બનાવવા માટે ઉપયોગમાં લેવામાં આવતો 300 લીટર આથો મળી આવ્યો હતો.
જેથી પોલીસે 7,500 ની કિંમતનો મુદ્દામાલ કબજે કર્યો હતો અને રેડ કરવામાં આવી હતી ત્યારે આરોપી હાજર ન હતો જોકે આ માલ અશ્વિનભાઈ જેરામભાઈ લોદરીયા રહે. ગોપાલગઢ તાલુકો ધાંગધ્રા વાળાનો હોવાનું સામે આવતા તેની સામે હળવદ તાલુકા પોલીસ સ્ટેશન ખાતે ગુનો નોંધી પોલીસે આગળની કાર્યવાહી હાથ ધરી છે.
