New Delhi, તા.13
ICC T20I રેન્કિંગમાં અભિષેક શર્મા બેટિંગ ચાર્ટમાં ટોચ પર યથાવત છે. આ દરમિયાન, વરૂણ ચક્રવર્તીએ બોલરોમાં પોતાનું ટોચનું સ્થાન જાળવી રાખ્યું છે. ઝિમ્બાબ્વેના કેપ્ટન સિકંદર રઝા T20I ફોર્મેટમાં નંબર વન ઓલરાઉન્ડર બન્યા છે.
બેટ્સમેનોની રેન્કિંગમાં, ભારતના અભિષેક શર્મા પ્રથમ સ્થાને છે, ઇંગ્લેન્ડના ફિલ સોલ્ટ બીજા સ્થાને છે, પાકિસ્તાનના સાહિબઝાદા ફરહાન ત્રીજા સ્થાને છે, ઇંગ્લેન્ડના જોસ બટલર ચોથા સ્થાને છે અને ભારતના તિલક વર્મા પાંચમા સ્થાને છે. શ્રીલંકાના પથુમ નિસાન્કા છઠ્ઠા સ્થાને છે. ભારતીય કેપ્ટન સૂર્યકુમાર યાદવ સાતમા સ્થાને છે.
ન્યુઝીલેન્ડના ટિમ સીફર્ટ આઠમા સ્થાને છે, ઓસ્ટ્રેલિયાના ટ્રેવિસ હેડ નવમા સ્થાને છે અને ઓસ્ટ્રેલિયાના કેપ્ટન મિશેલ માર્શ દસમા સ્થાને છે. યુએસએ સામે રમાયેલી 73 રનની ઇનિંગ્સથી સાહિબઝાદા ફરહાનને મોટો ફાયદો થયો છે. આ ઇનિંગ્સને કારણે ફરહાન 4 સ્થાનની છલાંગ લગાવીને ત્રીજા સ્થાને પહોંચી ગયો છે.
બોલરોની રેન્કિંગમાં, ભારતના વરૂણ ચક્રવર્તી પ્રથમ ક્રમે,પાકિસ્તાનના અબરાર અહેમદ બીજા ક્રમે, અફઘાનિસ્તાનના રાશિદ ખાન ત્રીજા ક્રમે, ઇંગ્લેન્ડના આદિલ રાશિદ ચોથા ક્રમે, શ્રીલંકાનો વાનિન્દુ હસરંગા પાંચમા ક્રમે, ન્યુઝીલેન્ડના જેકબ ડફી છઠ્ઠા ક્રમે, પાકિસ્તાનના મોહમ્મદ નવાઝ સાતમા ક્રમે, બાંગ્લાદેશના મુસ્તફિઝુર રહેમાન આઠમા ક્રમે, ઓસ્ટ્રેલિયાના એડમ ઝમ્પા નવમા ક્રમે અને અફઘાનિસ્તાનના મુજીબ ઉર રહેમાન દસમા ક્રમે છે.
ટોચના T20 ઓલરાઉન્ડરોની યાદીમાં ઝિમ્બાબ્વેના કેપ્ટન સિકંદર રઝાએ પાકિસ્તાનના સૈમ અયુબને પાછળ છોડી દીધો છે. અયુબ બીજા ક્રમે છે. ભારતના હાર્દિક પંડ્યા ત્રીજા ક્રમે, વેસ્ટ ઈન્ડિઝના રોસ્ટન ચેઝ ચોથા ક્રમે, પાકિસ્તાનના મોહમ્મદ નવાઝ પાંચમા ક્રમે, નેપાળના દીપેન્દ્ર સિંહ અરે છઠ્ઠા ક્રમે, વેસ્ટ ઈન્ડિઝના રોમારિયો શેફર્ડ સાતમા ક્રમે, અફઘાનિસ્તાનના અઝમતુલ્લાહ ઓમરઝાઈ આઠમા ક્રમે, અફઘાનિસ્તાનના મોહમ્મદ નબી નવમા ક્રમે અને શ્રીલંકાનો વાનિન્દુ હસરંગા દસમા ક્રમે છે
