Lucknow,તા.૧૭
ભારત અને અફઘાનિસ્તાન વચ્ચેની ત્રણ મેચની વનડે શ્રેણીની બીજી મેચ લખનૌના એકાના ક્રિકેટ સ્ટેડિયમ ખાતે રમાઈ રહી છે. આ મેચમાં, અફઘાનિસ્તાનના કેપ્ટન હશમતુલ્લાહ શાહિદીએ ટોસ જીતીને પ્રથમ બોલિંગ કરવાનો નિર્ણય લીધો. લાંબા સમય પછી ભારતીય વનડે ટીમમાં પરત ફરેલા વિકેટકીપર-બેટ્સમેન ઈશાન કિશનનો પ્રથમ મેચમાં અપેક્ષા મુજબનો દેખાવ રહ્યો ન હતો. જોકે, બીજી વનડેમાં તેણે પોતાની બેટિંગ કુશળતા દર્શાવી, સદી ફટકારી અને ૧,૦૦૦ રનનો આંકડો પૂર્ણ કર્યો. આ સાથે, ઈશાન કિશન વનડેમાં સૌથી ઓછા બોલમાં આ સિદ્ધિ મેળવનાર છઠ્ઠો ભારતીય ખેલાડી બન્યો.
લાંબા સમયથી ટીમ ઈન્ડિયાની વનડે ટીમમાંથી બહાર રહેલા ઈશાન કિશનને ટી ૨૦ આંતરરાષ્ટ્રીય મેચોમાં પ્રભાવશાળી પ્રદર્શન બાદ લગભગ ત્રણ વર્ષ પછી વનડેમાં રમવાની તક મળી. ધર્મશાલામાં રમાયેલી શ્રેણીની પહેલી મેચમાં, ઈશાન માત્ર ૩૪ રન બનાવીને પેવેલિયન પાછો ફર્યો. જોકે, લખનૌમાં રમાઈ રહેલી શ્રેણીની બીજી વનડેમાં, તે પોતાની બેટિંગ કુશળતા દર્શાવવામાં સફળ રહ્યો. આ મેચમાં, ઇશાન કિશને વનડે માં પોતાના ૧,૦૦૦ રનનો આંકડો પૂર્ણ કર્યો, જેનાથી તે સૌથી ઓછા બોલમાં આ સીમાચિહ્ન સુધી પહોંચનાર છઠ્ઠો સૌથી ઝડપી ભારતીય ખેલાડી બન્યો. હાર્દિક પંડ્યા માત્ર ૮૫૭ બોલમાં એક ભારતીય માટે વનડેમાં ૧,૦૦૦ રન પૂર્ણ કરવાનો રેકોર્ડ ધરાવે છે.
ભારતીય ખેલાડીઓ જેમણે વનડેમાં સૌથી ઓછા બોલમાં ૧,૦૦૦ રન પૂર્ણ કર્યા
હાર્દિક પંડ્યા – ૮૫૭ બોલ
કેદાર જાધવ – ૯૩૬ બોલ
કપિલ દેવ – ૯૫૪ બોલ
શુભમન ગિલ – ૯૫૪ બોલ
એમએસ ધોની – ૯૫૫ બોલ
ઈશાન કિશન – ૯૬૬ બોલ
ઈશાને માત્ર ૭૧ બોલમાં પોતાની સદી પૂર્ણ કરી, અને ત્રીજો સૌથી ઝડપી ખેલાડી બન્યો અફઘાનિસ્તાન સામેની બીજી વનડેમાં, ઇશાન કિશને માત્ર ૭૧ બોલમાં પોતાની સદી પૂર્ણ કરીને એક મોટો સીમાચિહ્ન હાંસલ કર્યો. ઇશાન કિશન હવે અફઘાનિસ્તાન સામે સૌથી ઓછા બોલમાં વનડેમાં પોતાની સદી પૂર્ણ કરનાર ત્રીજો ખેલાડી બન્યો છે. આ યાદીમાં ઇયોન મોર્ગન ટોચ પર છે, જેમણે ૫૭ બોલમાં સદી પૂરી કરી હતી. રોહિત શર્મા બીજા સ્થાને છે, જેણે ૨૦૨૩ માં ૬૩ બોલમાં સદી ફટકારી હતી, જ્યારે ઇશાન કિશન હવે આ યાદીમાં ત્રીજા સ્થાને આવી ગયો છે. ઇશાન કિશનની તેની વનડે કારકિર્દીમાં આ ત્રીજી સદી છે.
અફઘાનિસ્તાન સામે વનડે માં સૌથી ઓછા બોલમાં સદી ફટકારનારા ખેલાડીઓઃ
ઇયોન મોર્ગન (ઇંગ્લેન્ડ) – ૫૭ બોલ (માન્ચેસ્ટર, ૨૦૧૯)
રોહિત શર્મા (ભારત) – ૬૩ બોલ (દિલ્હી, ૨૦૨૩)
ઇશાન કિશન (ભારત) – ૭૧ બોલ (લખનૌ, ૨૦૨૬)
ગ્લેન મેક્સવેલ (ઓસ્ટ્રેલિયા) – ૭૬ બોલ (મુંબઈ, ૨૦૨૩)
શુભમન ગિલ – ૭૭ બોલ (લખનૌ, ૨૦૨૬)
