New Delhi,તા.૧
નવા મહિનાની શરૂઆત સાથે જ એક મોટો ઝટકો મળ્યો છે. ગેસ સિલિન્ડરના ભાવમાં ફરી એકવાર વધારો થયો છે. ઈન્ડિયન ઓઈલે ફરી એકવાર ગેસ સિલિન્ડરની કિંમતમાં ૧૬.૫૦ રૂપિયાનો વધારો કરીને મોંઘવારીને આંચકો આપ્યો છે. આ વધારા બાદ દિલ્હીમાં ૧૯ કિલોના ગેસ સિલિન્ડરની કિંમત ૧૮૧૮.૫૦ રૂપિયા પ્રતિ સિલિન્ડર પર પહોંચી ગઈ છે. રાહતની વાત એ છે કે ઘરેલુ ગેસ સિલિન્ડરના દરમાં કોઈ ફેરફાર કરવામાં આવ્યો નથી. આજે પણ દિલ્હીમાં ૧૪.૨ કિલોના ગેસ સિલિન્ડરની કિંમત ૮૦૮ રૂપિયા છે. તેની કિંમત ઓગસ્ટ ૨૦૨૪ થી સ્થિર રાખવામાં આવી છે. આ સિવાય એલપીજી ગેસ સિલિન્ડરની કિંમતો, ક્રેડિટ કાર્ડના નિયમો, બેંકિંગ, ટેલિકોમ અને મફત આધાર અપડેટ સંબંધિત ફેરફારોનો સમાવેશ થાય છે, જેની સીધી અસર આપણા ખિસ્સા પર પડશે. ચાલો તેમના વિશે જાણીએ.
એનર્જીની વધતી માંગ વચ્ચે ઓઈલ કંપનીઓએ ગેસ સિલિન્ડરની કિંમતમાં વધારો કર્યો છે. સરકારી ઓઈલ પીએસયુએ ફરી એકવાર એલપીજી સિલિન્ડરની કિંમતમાં વધારો કરીને સામાન્ય લોકો પર મોંઘવારીનો બોજ વધાર્યો છે. ઈન્ડિયન ઓઈલની વેબસાઈટ પર જાહેર કરાયેલા ભાવના લિસ્ટ મુજબ, ૧ ડિસેમ્બર, ૨૦૨૪થી ૧૯ કિલોના એલપીજી સિલિન્ડરની કિંમતમાં ૧૬.૫૦ રૂપિયા પ્રતિ સિલિન્ડરનો વધારો કરવામાં આવ્યો છે. ઓઈલ કંપનીઓએ કોમર્શિયલ ગેસ સિલિન્ડર અથવા હલવાઈ સિલિન્ડરની કિંમતોમાં વધારો કર્યો છે, જો કે, ઘરોમાં ઉપયોગમાં લેવાતા ૧૪.૨ કિલોના સિલિન્ડરની કિંમતો સમાન રાખવામાં આવી છે.
આ ભાવ વધારા બાદ રાજધાની દિલ્હીમાં ૧૯ કિલોના કોમર્શિયલ ગેસ સિલિન્ડરની કિંમત હવે ૧૮૦૨ રૂપિયા પ્રતિ સિલિન્ડરથી વધીને ૧૮૧૮.૫૦ રૂપિયા થઈ ગઈ છે. તમને યાદ અપાવી દઈએ કે ગયા મહિને એટલે કે નવેમ્બરમાં આ સિલિન્ડરની કિંમતમાં ૬૨ રૂપિયાનો વધારો કરવામાં આવ્યો હતો. અગાઉ ઓક્ટોબરમાં ૧૭૪૦ રૂપિયામાં મળતો સિલિન્ડર નવેમ્બરમાં ૧૮૦૨ રૂપિયા પર પહોંચી ગયો હતો. અગાઉ સપ્ટેમ્બર ૨૦૨૪માં તેની કિંમત ૧૬૯૧.૫૦ રૂપિયા પ્રતિ સિલિન્ડર હતી, ઓગસ્ટમાં તેની કિંમત ૧૬૫૨.૫૦ રૂપિયા હતી અને જુલાઈ ૨૦૨૪માં તેની કિંમત ૧૬૪૬ રૂપિયા હતી, એટલે કે છેલ્લા છ મહિનાથી કોમર્શિયલ સિલિન્ડરની કિંમતમાં સતત વધારો કરવામાં આવી રહ્યો છે.
તમારા ઘરોમાં વપરાતા ગેસ સિલિન્ડરની કિંમત એટલે કે ૧૪.૨ કિલોના ગેસ સિલિન્ડરની કિંમત ઓગસ્ટ ૨૦૨૪થી સ્થિર રાખવામાં આવી છે. આ ભાવ વધારા બાદ દિલ્હીમાં સબસિડી વગરના ગેસ સિલિન્ડરની કિંમત ફરી એકવાર ૮૦૮ રૂપિયા પર સ્થિર રાખવામાં આવી છે. જુલાઈમાં તેની કિંમત ૮૦૩ રૂપિયા હતી, જે ઓગસ્ટમાં વધારી દેવામાં આવી હતી. તમને જણાવી દઈએ કે પ્રધાનમંત્રી ઉજ્જવલા યોજનાના લાભાર્થીઓને આ સિલિન્ડર પર ૩૦૦ રૂપિયાની સબસિડી મળે છે.
