Rajkot, તા.15
છેલ્લા 10 દિવસથી જુગારીઓ પોલીસથી બચવા રાજકોટના ગ્રામ્ય વિસ્તારમાં અલગ અલગ સ્થળોએ જુગાર કલબ ચલાવતાં ’તા: છ વેપારી સહિતના શખ્સો 14 શખ્સો દબોચાયાક્રાઈમ બ્રાન્ચના પીઆઈ એમ.આર.ગોંડલીયાની રાહબરીમાં પીએસઆઈ ડી.સી.સાકરીયા અને ટીમની કાર્યવાહી
રાજકોટ-અમદાવાદ હાઇવે પર આવેલ પ્રભુ કૃપા ફાર્મ એન્ડ રીસોર્ટ વિલામાં ધમધમતી જુગાર કલબમાં ક્રાઈમ બ્રાન્ચે દરોડો પાડી રોકડ, મોબાઈલ મળી કુલ રૂ.2.63 લાખનો મુદામાલ ઝડપી લીધો હતો. અગાઉ પણ વિવાદમાં આવી ચૂકેલા રિસોર્ટમાં ફરીવાર જુગાર કલબ ઝડપાતા ચકચાર મચી ગઇ હતી. ક્રાઈમ બ્રાન્ચની ટીમે જસદણ, આટકોટ, સરધાર, રાજકોટ સહિત ગ્રામ્ય વિસ્તારમાંથી જુગાર રમવા આવેલા 14 શખ્સોને ઝડપી લીધાં હતાં. જેમાં છ વેપારી પણ સામેલ હતાં.
દરોડાની વિગત મુજબ રાજકોટ ક્રાઈમ બ્રાન્ચ પીઆઈ એમ.આર.ગોંડલીયાની રાહબરીમાં પીએસઆઈ ડી.સી.સાકરીયા ટીમ સાથે પેટ્રોલિંગમાં હતાં સાથેના હેડ કોન્સ્ટેબલ વિજયરાજસિંહ જાડેજા, સંજયભાઇ દાફડા, હરદેવસિંહ રાઠોડ અને કોન્સ્ટેબલ વિજય મેતાને રાજકોટ-અમદાવાદ હાઇવે ઉપર આવેલ પ્રભુકૃપા ફાર્મ એન્ડ રીસોર્ટમાં દિપકભાઈ હીરપરા નામનો શખ્સ રીસોર્ટનો વીલા-ઈ ભાડેથી રાખી બહારથી માણસો બોલાવી નાલ ઉઘરાવી તીનપતીનો જુગાર રમાડે છે અને હાલ જુગાર ચાલું છે તેવી મળેલ ચોક્કસ બાતમીના આધારે સ્ટાફે પ્રભુ કૃપા રિસોર્ટમાં દરોડો પાડતાં વિલા-ઇ માં જુગાર ધમધમતું હતું.
વિલામાં જુગાર રમતાં દિપક જયંતી હીરપરા (ઉ.વ.36),(રહે. સરદાર પટેલ નગર શેરી નં. 1, જસદણ), અશોક બટુક બાવળીયા (રહે.પોલારપર રોડ જસદણ), રાજેશ આંબા ઠૂંમર (રહે. સરધાર, સ્વામિનારાયણ મંદિર પાછળ), બાબુ રાઘવ રૂપારેલીયા (રહે. પાંચવડા ગામ, જસદણ), શિવુભા કાળુભા રાયઝાદા (રહે. કૈલાશનગર, આટકોટ), સાગર ઉર્ફે સંજય રમેશ હીરપરા (રહે.સ્વાતીપાર્ક એપાર્ટમેન્ટ ફ્લેટ નં સી 401 વિનુ ભાઈના ફ્લેટમાં ભાડેથી કોઠારીયા રોડ રણુજા મંદિરથી આગળ), નરેન્દ્ર રણજીત બોરીચા (રહે.આટકોટ રોડ જલારામ સોસાયટી જસદણ), ધર્મેશ જીવરાજ ભુવા (રહે.ગોવિંદનગર ગેલ માતાજીના મંદિરની સામે ચીતલીયા કુવા રોડ જસદણ), નીતીન કાંતિ કાથરોટીયા (રહે.તપન હાઇટ્સ ફ્લેટ નં સી 503 મટુકી હોટલ પાછળ પુનીતનગર પાણીના ટાંકા પાસે), વિજય મનસુખ મેઘાણી (રહે. પાંચવડા, જસદણ), હાર્દીક વિનોદ મણવર (રહે. અરડોઈ, કોટડાસાંગાણી), સંજય લક્ષ્મણ રૂપારેલીયા (રહે.લક્ષ્મણનગર ચીતલીયાકુવા રોડ જસદણ), વિજય વિઠ્ઠઠલ પડાલીયા (રહે.ગોવિંદનગર ચીતલીયા કુવારોડ જસદણ ) અને જીજ્ઞેશ રમણીક ઉંજીયા (રહે. સરધાર શ્રી રામ સોસાયટી ભાડલા રોડ) ને દબોચી રોકડ રૂ.1.27 લાખ અને મોબાઈલ 10 મળી કુલ રૂ.2.63 લાખનો મુદામાલ કબ્જે કર્યો હતો.
જુગારીઓની પૂછતાછમાં દિપક હિરપરાએ પ્રભુકૃપા રીસોર્ટમાં વિલા ભાડે રાખી જુગાર રમાડતો હતો અને તે અગાઉ છેલ્લા 10 દિવસથી રાજકોટ ગ્રામ્ય વિસ્તારમાં ફરતી જુગાર કલબ ચલાવી હતી. અહીં પણ તે એક દિવસ જુગાર કલબ ચલાવી જગ્યા ફેરવે તે પહેલાં જ ક્રાઇમ બ્રાન્ચ ત્રાટકી હતી. ઉલ્લેખનીય છે કે, જુગારીમાં છ વેપારી, ખેડૂત સહિતના શખ્સો જુગાર રમવા આવ્યાં હતાં.
