૨૦૨૨ના અંતે ઈલોન મસ્કની નેટવર્થમાં ૨૦૦ અબજ ડૉલરથી વધુનો ઘટાડો જોવા મળ્યો હતો
Washington, તા.૧૨
વિશ્વના સૌથી ધનિક વ્યક્તિ ઈલોન મસ્કે વધુ એક સિદ્ધિ પોતાના નામે કરી છે. સ્પેસએક્સ અને ટેસ્લાના સીઈઓ તાજેતરમાં ઈતિહાસના એવા પ્રથમ વ્યક્તિ બન્યા છે કે જે ઈન્સાઈડર શેર વેચાણની સાથે અમેરિકાની ચૂંટણીના પરિણામોને પગલે ૪૦૦ અબજ ડૉલરની નેટવર્થ સુધી પહોંચી ગયા છે. બ્લૂમબર્ગ બિલિયોનેર્સ ઇન્ડેક્સ અનુસાર ઈલોન મસ્કની કંપની સ્પેસએક્સના ઈનસાઈડર શેરના વેચાણથી તેમની નેટવર્થમાં લગભગ ૫૦ બિલિયન ડૉલરનો વધારો થયો છે. જેની મદદથી તેમની કુલ સંપત્તિ ૪૩૯.૨ અબજ ડૉલર થઈ ગઈ છે. ૨૦૨૨ના અંતે ઈલોન મસ્કની નેટવર્થમાં ૨૦૦ અબજ ડૉલરથી વધુનો ઘટાડો જોવા મળ્યો હતો. ગત મહિને ડોનાલ્ડ ટ્રમ્પ પ્રમુખ તરીકે ચૂંટાયા ત્યારબાદથી મસ્કની સંપત્તિમાં જોરદાર ઉછાળો આવ્યો છે. ડોનાલ્ડ ટ્રમ્પના ચૂંટણી પ્રચારમાં ઈલોન મસ્કે સૌથી વધુ દાન આપ્યું હતું. ચૂંટણી પહેલા ટેસ્લા ઇન્કના શેરમાં લગભગ ૬૫ ટકાનો વધારો થયો હતો. બજારો અપેક્ષા રાખે છે કે ડોનાલ્ડ ટ્રમ્પ સેલ્ફ-ડ્રાઇવિંગ કારના રોલઆઉટને સુવ્યવસ્થિત કરશે અને ટેસ્લાના હરીફોને મદદ કરતા ઇલેક્ટ્રિક વાહનો માટે ટેક્સ ક્રેડિટ દૂર કરશે. વોલ સ્ટ્રીટ જર્નલ અનુસાર, ટ્રમ્પની જીત બાદ તેમની આર્ટિફિશિયલ ઈન્ટેલિજન્સ કંપની છૈંનું મૂલ્ય પણ બમણું થઈ ગયું છે. તે લગભગ ૫૦ અબજ ડોલર સુધી પહોંચી ગયો છે.
