અલ્લુ અર્જુનની ફિલ્મ દરરોજ બોક્સ ઓફિસ પર મજબૂત કમાણી કરી રહી છે અને નવા રેકોર્ડ બનાવી રહી છે
Mumbai, તા.૧૬
અલ્લુ અર્જુનની ફિલ્મ દરરોજ બોક્સ ઓફિસ પર મજબૂત કમાણી કરી રહી છે અને નવા રેકોર્ડ બનાવી રહી છે. શાનદાર કલેક્શન સાથે, હવે ફિલ્મ આરઆરઆરને હરાવવાની ખૂબ નજીક છે.‘પુષ્પા ૨ઃ ધ રૂલ’ની ગતિ બોક્સ ઓફિસ પર અટકવાના કોઈ સંકેત દેખાડી રહી નથી. આ ફિલ્મ ૫મી ડિસેમ્બરે સ્ક્રીન પર રિલીઝ થયાને ૯ દિવસ થઈ ગયા છે. અલ્લુ અર્જુનની ફિલ્મ બોક્સ ઓફિસ પર સારી કમાણી કરી રહી છે અને દરરોજ નવા રેકોર્ડ બનાવી રહી છે.અહેવાલ મુજબ, ‘પુષ્પા ૨ઃ ધ રૂલ’એ બોક્સ ઓફિસ પર ૧૭૪.૯૫ કરોડ રૂપિયાની ઓપનિંગ કરી હતી. શાનદાર દૈનિક કમાણી સાથે, ફિલ્મે પહેલા અઠવાડિયામાં ૭૨૫.૮ કરોડ રૂપિયાનો બિઝનેસ કર્યો હતો, જ્યારે બીજા સપ્તાહમાં પણ ફિલ્મ જોરદાર કમાણી કરી રહી છે. નવમા દિવસે ‘પુષ્પા ૨ઃ ધ રૂલ’ એ કુલ ૩૬.૨૫ કરોડ રૂપિયાનું કલેક્શન કર્યું છે.‘પુષ્પા ૨ઃ ધ રૂલ’ આરઆરઆરને હરાવી દેશે?અલ્લુ અર્જુનની ફિલ્મે હવે ઘરેલુ બોક્સ ઓફિસ પર ૭૬૨.૧ કરોડ રૂપિયાની કમાણી કરી લીધી છે. હવે આ ફિલ્મઆરઆરઆરને હરાવવાની ખૂબ નજીક છે જેણે ભારતમાં કુલ રૂ. ૭૮૨.૨ કરોડની કમાણી કરી હતી. હાલમાં, ‘પુષ્પા ૨ઃ ધ રૂલ’ ભારતની ચોથી સૌથી વધુ કમાણી કરનારી ફિલ્મ છે, તે આરઆરઆરને પાછળ છોડીને ત્રીજા નંબરે તેનું સ્થાન લેશે.
