સુરક્ષા દળો તૈનાત કરવામાં આવ્યા છે અને સૈંથિયામાં ૧૪ થી ૧૭ માર્ચ સુધી ઇન્ટરનેટ સેવાઓ સ્થગિત કરવામાં આવી છ
Kolkata,તા.૧૫
પશ્ચિમ બંગાળના ઉત્તર ૨૪ પરગણા જિલ્લામાં શુક્રવારે હોળીની ઉજવણી દરમિયાન થયેલી અથડામણમાં ૨૦ વર્ષીય યુવકનું મોત થયું હતું. એક પોલીસ અધિકારીએ જણાવ્યું કે, આકાશ ચૌધરી ઉર્ફે અમર ટીટાગઢમાં તેના ઘર પાસે મિત્રો સાથે હોળીની ઉજવણી કરી રહ્યો હતો ત્યારે તેને ત્રણથી ચાર યુવાનોએ ઘેરી લીધો હતો. હુમલાખોરોએ તેમના ગળા અને શરીરના અન્ય ભાગો પર અનેક વાર છરીના ઘા કર્યા. આકાશને ખારદાહાની સરકારી બલરામ હોસ્પિટલમાં લઈ જવામાં આવ્યો જ્યાંથી તેને બેલઘરિયાની એક ખાનગી હોસ્પિટલમાં ખસેડવામાં આવ્યો. અહીંથી તેમને કોલકાતાની આરજી કાર મેડિકલ કોલેજ અને હોસ્પિટલમાં મોકલવામાં આવ્યા, જ્યાં ડોક્ટરોએ તેમને મૃત જાહેર કર્યા. પોલીસે જણાવ્યું કે આ હુમલા બદલ પવન રાજભરની ધરપકડ કરવામાં આવી છે. તે અગાઉ પણ આ વિસ્તારના અન્ય એક ગુનાહિત કેસમાં જેલમાં ગયો હતો. રાજભરના અન્ય બે સાથીઓ ફરાર છે. આકાશના કાકાએ જણાવ્યું કે તે સ્થાનિક કોલેજમાં ત્રીજા વર્ષનો વિદ્યાર્થી હતો અને તૃણમૂલ કોંગ્રેસ છાત્ર પરિષદનો સભ્ય હતો. આકાશના પરિવારે કહ્યું કે હુમલાખોરને મૃતક સાથે અંગત દુશ્મની હતી. પશ્ચિમ બંગાળના બીરભૂમ જિલ્લામાં તાજેતરમાં થયેલી હિંસા બાદ પરિસ્થિતિ હજુ પણ તણાવપૂર્ણ છે.હિંસાની ઘટનાઓ બાદ, સમગ્ર વિસ્તારમાં સુરક્ષા દળોને તૈનાત કરવામાં આવ્યા છે. આ મામલાની ગંભીરતાને ધ્યાનમાં રાખીને, સરકારે સાંતિયા શહેરના ઘણા વિસ્તારોમાં ૧૭ માર્ચ એટલે કે સોમવાર સુધી ઇન્ટરનેટ સેવાઓ સ્થગિત કરી દીધી છે. ઇન્ટરનેટ સેવાઓ સ્થગિત કરવાનો આદેશ ૧૪ માર્ચથી જ જારી કરવામાં આવ્યો હતો. સાંઈથિયા શહેરમાં હોળીની ઉજવણી દરમિયાન હિંસા ફાટી નીકળી હતી જ્યાં પથ્થરમારા જેવા બનાવો બન્યા હોવાનું જાણવા મળ્યું છે.
કોઈપણ પ્રકારની અફવા ફેલાતી અટકાવવા માટે વહીવટીતંત્રે સાંથીમાં ઇન્ટરનેટ સેવાઓ સ્થગિત કરી દીધી છે. સરકાર દ્વારા જારી કરાયેલા આદેશમાં જણાવાયું છે કે ટેલિકોમ્યુનિકેશન એક્ટ ૨૦૨૩ હેઠળ, કોઈપણ વ્યક્તિ અથવા જૂથ દ્વારા મોકલવામાં આવેલા અથવા પ્રાપ્ત થયેલા સંદેશાઓ, જે કોઈ ચોક્કસ વિષય અથવા વર્ગ સાથે સંબંધિત હોય, તે જાહેર વ્યવસ્થા જાળવવા અને ગુનાઓને રોકવા માટે અસ્થાયી રૂપે પ્રસારિત કરવામાં આવશે નહીં. જોકે, આદેશમાં એમ પણ કહેવામાં આવ્યું છે કે વોઇસ કોલ્સ અને એસએમએસ પર કોઈ પ્રતિબંધ રહેશે નહીં. આદેશ મુજબ, જે પંચાયતોમાં ઇન્ટરનેટ સેવા પર પ્રતિબંધ મૂકવામાં આવ્યો છે તેમાં સૈંથિયા, હટોરાહ, મઠપલાસા, હરિસારા, દરિયાપુર અને ફુલુરનો સમાવેશ થાય છે. તેમાં કહેવામાં આવ્યું છે કે આ આદેશ ૧૪ માર્ચથી તાત્કાલિક અસરથી અમલમાં આવશે અને ૧૭ માર્ચના રોજ સવારે ૮ વાગ્યા સુધી માન્ય રહેશે. આ સમયગાળા દરમિયાન અખબારોના પ્રકાશન અને પરિભ્રમણ પર પણ કોઈ પ્રતિબંધ નથી જેથી માહિતીના પ્રસારમાં કોઈ અવરોધ ન આવે. અહેવાલો અનુસાર, બીરભૂમમાં પથ્થરમારાની ઘટના બાદ, અસરગ્રસ્ત વિસ્તારોમાં પોલીસ દળ તૈનાત કરવામાં આવ્યું છે.
પશ્ચિમ બંગાળમાં ધૂળેટીના દિવસે અશાંતિ જોવા મળી છે. નંદીગ્રામથી ભાજપના વિધાયક શુભેન્દુ અધિકારીનો આરોપ છે કે શુક્રવારે ૧૪ માર્ચ ૨૦૨૫ના રોજ તેમના મતવિસ્તારમાં મૂર્તિ ખંડિત કરવાની એક ઘટના સામે આવી છે. ભાજપના રાષ્ટ્રીય પ્રવક્તા અમિત માલવિયે પણ આ ઘટનાની ટીકા કરતા સોશિયલ મીડિયા પર એક પોસ્ટ શેર કરી છે.
અમિત માલવિયે પોતાની પોસ્ટમાં લખ્યું છે કે મુખ્યમંત્રી મમતા બેનર્જીના નેતૃત્વમાં પશ્ચિમ બંગાળમાં હિન્દુઓ પર સતત હુમલા થઈ રહ્યા છે. નંદીગ્રામ બ્લોક ૨ના અમદાબાદ વિસ્તારના કમાલપુરમાં સ્થાનિક રહીશો ગત મંગળવારથી જ પૂજા અર્ચના કરતા હતા. પરંતુ જ્યારે પૂજા અને રામનારાયણ કિર્તન નિર્વિધ્ને ચાલુ રહ્યા તો કેટલાક લોકોએ શ્રી રામના નામ સહન ન થતા સ્થળ પર તોડફોડ કરી અને મૂર્તિઓને અપવિત્ર કરી દીધી.
તેમણે કહ્યું કે બરુઈપુર, જાદવપુર અને મુર્શિદાબાદ સહિત સમગ્ર પ્રદેશમાં આ પ્રકારની ઘટનાઓ સામે આવી છે. આ ઉપરાંત મમતા બેનર્જીની પોલીસે બંગાળના કેટલાક ભાગોમાં હોળી સમારોહ પર પ્રતિબંધ લગાવવાનો પ્રયત્ન કર્યો પરંતુ પછી પાછળ હટી ગયા. પ્રવક્તાએ વધુમાં કહ્યું કે, સનાતનીઓમાં વ્યાપક આક્રોશ છે, પરંતુ આ કપરા સમયમાં ભાજપ બંગાળમાં તેમની સાથે મજબૂતીથી પડખે છે. અમે મમતા બેનર્જીને પશ્ચિમ બંગાળમાં બીજુ બાંગ્લાદેશ બનાવવાની મંજૂરી ક્યારેય નહીં આપીએ. બીરભૂમમાં એક પથ્થરબાજીની ઘટનાના રિપોર્ટ બાદ પ્રભાવિત વિસ્તારોમાં પોલીસફોર્સ તૈનાત કરાઈ છે. આ પગલું શાંતિ અને સુરક્ષા જાળવી રાખવા માટે ભરાયું છે.
અત્રે જણાવવાનું કે આ અગાઉ પણ ૯ માર્ચ ૨૦૨૫ના રોજ ભાજપના નેતા દીલિપ ઘોષે એક ઘટનાની જાણકારી આપી હતી જેમાં પશ્ચિમ બંગાળમાં બશીરહાટ શહેરના શંખચૂરા બજારમાં એક કાલી મંદિરમાં તોડફોડ મચાવવાનો અને હિન્દુ દેવી દેવતાઓની મૂર્તિઓ તોડવાનો આરોપ લગાવ્યો હતો. ઘોષનો દાવો હતો કે મંદિર પર હુમલો તૃણમૂલ કોંગ્રેસના નેતા શાહનૂર મંડલના નેતૃત્વમાં થયો હતો.
