Mumbai,તા.27
સની દેઓલે કહ્યું, ‘કદાચ હું દક્ષિણમાં જઈને સેટલ થઈશ’ તાજેતરમાં જ ફિલ્મમેકર અનુરાગ કશ્યપે મુંબઈ છોડીને બેંગલુરુમાં રહેવાનું શરૂ કર્યું હતું. આ દરમિયાન બોલિવૂડ એક્ટર સની દેઓલે પણ કંઈક આવું જ કહ્યું છે.
તેણે કહ્યું છે કે શક્ય છે કે તે દક્ષિણમાં જઈને સ્થાયી પણ થઈ શકે.સની દેઓલે એક ઈવેન્ટમાં કહ્યું, ’હું ઈચ્છું છું કે બોલિવૂડના નિર્માતાઓ દક્ષિણના નિર્માતાઓ પાસેથી કંઈક શીખે. પહેલા હિન્દી સિનેમા બનાવો અને પછી સિનેમા બનાવતા શીખો. સ્ક્રિપ્ટ હીરો છે.
મને સાઉથના મેકર્સ સાથે કામ કરવાની મજા આવી. કોણ જાણે, હું ત્યાં જઈને સ્થાયી થઈ શકું. સની દેઓલે આગળ કહ્યું, ’વિદેશી પ્રભાવને કારણે આપણે ભૂલી જઈએ છીએ કે આપણા દેશમાં શું થઈ રહ્યું છે.
આપણે આપણા મૂળમાં પાછા ફરવું જોઈએ અને ઘાતક, દામિની અને અર્જુન જેવી ફિલ્મો બનાવવી જોઈએ. આ દરમિયાન તેણે વિલન બનવાની ઈચ્છા પણ વ્યક્ત કરી હતી.
