Rajkot : બજેટમાં મંજૂર થયેલ કામો અંગે સમીક્ષા બેઠક યોજાઈ

Rajkot , તા. ૨૩
રાજકોટ મનપા દ્વારા ચાલુ નાણાકીય વર્ષ ૨૦૨૫-૨૬ સ્ટે. કમિટી દ્વારા મંજૂર કરવામાં આવેલ. આ બજેટના અનુસંધાને સ્ટે. ચેરમેન જયમીન ઠાકર દ્વારા આજરોજ તમામ લગત શાખાધિકારીઓ સાથે બજેટની અમલવારીના સ્ટેટસ રિવ્યુ અંગે બેઠક કરવામાં આવી હતી.
આ બેઠકના અધ્યક્ષસ્થાને મેયર નયનાબેન પેઢડિયા ઉપસ્થિત રહ્યા હતા. બેઠકમાં ડો. માધવ દવે, ડે. મેયર નરેન્દ્રસિંહ જાડેજા, લીલુબેન જાદવ, મનિષ રાડિયા ઉપરાંત મ્યુનિ. પદાધિકારીઓ સહિતના અધિકારીઓએ હાજર રહી બજેટ યોજનાના અમલીકરણ સંદર્ભે વિસ્તૃત માહિતી રજૂ કરી હતી.
આ તકે સ્ટે. ચેરમેને આવનારા દિવસોમાં પણ બજેટમાં મંજૂર થયેલ કામોની સમીક્ષા તથા બજેટમાં ઉમેરવામાં આવેલ નવી યોજનાઓનું સમયબદ્ધ અમલીકરણ થાય તે સુનિશ્ચિત કરવા માટે લગત અધિકારીઓ સાથે બજેટ યોજના અન્વયે કરેલ કામગીરી અંગે સમયાંતરે બેઠક કરવામાં આવશે તેમ જણાવ્યું હતું.