China,તા.09
અમેરિકા સાથેના ટ્રેડવોરમાં આજથી એક તરફ લંડનમાં ચીન-અમેરિકાની વાતચીત શરૂ થઈ છે તે વચ્ચે ચીને જે રીતે સોનાની જાળ બીછાવાનુ શરૂ કર્યુ છે તે પણ રસપ્રદ છે.
ચીનની મધ્યસ્થ બેન્ક પીયુલ્સ બેન્ક ઓફ ચાઈનાએ મે માસમાં સતત 7મા વર્ષે પણ સોનાની ખરીદી કરી છે. વાસ્તવમાં 18 માસ સુધી સોનાની ખરીદીમાં બ્રેક માર્યા બાદ અમેરિકામાં ટ્રમ્પ શાસન આવતા જ ડ્રેગને સોનાની ખરીદી ફરી શરૂ કરી હતી અને મે માસના આંકડા કહે છે કે ચીને સતત સાતમા મહીને એના ગોલ્ડ રીઝર્વનો ફરી વધારો કર્યો છે.
અમેરિકાએ ટ્રેડવોર શરૂ કરી અને ટ્રમ્પ છેક 154% સુધી ટેરીફ ચીન સામે લઈ ગયા પછી પણ ચીન ઝુકયું ન હતું અને અંતે ટ્રમ્પે જ તે છેક 36% સુધી નીચે લાવવા પડયા હતા અને હવે જયારે ફરી એક વખત વાટાઘાટો શરૂ થઈ છે તો મે 2025ના અંત સુધીમાં ચીનનું ગોલ્ડ રીઝર્વ 73.83 મિલિયન ફાઈન ટ્રોપ સુધી પહોંચી ગયું છે.
જે એપ્રિલમાં 73.77 મીલીયન હતું અને હવે આ બેન્ક વચ્ચે કુલ 241.99 બીલીયન ડોલરનું સોનુ થયુ છે તે હવે ભવિષ્યના વેપાર યુદ્ધમાં સોનુ એ મહત્વની ભૂમિકા ભજવશે.
2024થી અત્યાર સુધી સોનાની કિંમતમાં 27% જેવો વધારો આવ્યો છે. ટ્રમ્પની નીતિને ચીને પહેલાથી જ પારખી લીધ હતી અને તે કોઈપણ નાણાકીય ઉથલપાથલ સામે સોનાને બફર તરીકે ઉપયોગ કરવા માંગે છે.
