Philippines,તા.૨૮
ફિલિપાઇન્સમાં ભૂકંપના જોરદાર આંચકા અનુભવાયા છે. નેશનલ સેન્ટર ઓફ સિસ્મોલોજી અનુસાર, શનિવારે વહેલી સવારે ફિલિપાઇન્સમાં ૬.૦ ની તીવ્રતાનો ભૂકંપ આવ્યો છે. આ ભૂકંપ શનિવારે (ભારતીય સમય) સવારે ૦૪ઃ૩૭ વાગ્યે આવ્યો હતો.
ફિલિપાઇન્સના મિંડાનાઓમાં આ ભૂકંપનું કેન્દ્ર અને ઊંડાઈ જમીનથી ૧૦૫ કિલોમીટર દૂર હોવાનો અંદાજ છે.એનસીએસએ સોશિયલ મીડિયા પ્લેટફોર્મ ઠ પર જણાવ્યું હતું કે આ ભૂકંપ અક્ષાંશઃ ૫.૨૮ ઉત્તર, રેખાંશઃ ૧૨૬.૦૮ પૂર્વમાં આવ્યો છે.
રિક્ટર સ્કેલ પર ૬.૦ ની તીવ્રતાના ભૂકંપના આંચકા એટલા જોરદાર હતા કે લોકો પોતાના ઘરોમાંથી બહાર નીકળી ગયા. ભૂકંપને કારણે કોઈ પ્રકારનું જાનહાનિ કે કેટલું નુકસાન થયું છે? શરૂઆતની માહિતીમાં હજુ સુધી જાણવા મળ્યું નથી.
તમને જણાવી દઈએ કે આ પહેલા પણ ફિલિપાઇન્સમાં ઘણા ભૂકંપ આવ્યા છે. આમાંથી ઘણા ભૂકંપ ખૂબ જ ખતરનાક પણ હતા. ૨ ડિસેમ્બર, ૨૦૨૩ ના રોજ ફિલિપાઇન્સના મિંડાનાઓમાં ૭.૪ ની તીવ્રતાનો ભૂકંપ આવ્યો હતો. તેના કારણે સુનામીની ચેતવણી જારી કરવામાં આવી હતી. આ સાથે, ૧૭ નવેમ્બર, ૨૦૨૩ ના રોજ મિંડાનાઓમાં ૭.૬ ની તીવ્રતાનો ભૂકંપ આવ્યો હતો. આ પછી, દાવાઓ અને સુરીગાઓ ડેલ સુરના દરિયાકાંઠાના વિસ્તારોમાં સુનામીની ચેતવણી જારી કરવામાં આવી હતી.
