Islamabad,તા.30
પાકિસ્તાન આર્મી ચીફ અસીમ મુનીરે ફરી એકવાર કાશ્મીર પર ઝેર ઓક્યું છે. મુનીરે કાશ્મીરમાં માર્યા ગયેલા આતંકવાદીઓની પ્રશંસા કરી અને તેમને શહીદ કહ્યા. એટલું જ નહીં, પાકિસ્તાન આર્મી ચીફે ભારતના જમ્મુ અને કાશ્મીરમાં ચાલી રહેલી આતંકવાદી પ્રવૃત્તિઓને “કાયદેસર સંઘર્ષ” ગણાવી અને પાકિસ્તાન તરફથી રાજકીય, નૈતિક અને રાજદ્વારી સમર્થન ચાલુ રાખવાનું વચન આપ્યું.
મુનીરે પોતાના ભાષણમાં બેવડા અર્થવાળી ભાષાનો ઉપયોગ કરીને જમ્મુ અને કાશ્મીર ક્ષેત્રમાં આતંકવાદને પાકિસ્તાનના અવિશ્વસનીય સમર્થનને “કાયદેસર સંઘર્ષ” ગણાવીને તેને યોગ્ય ઠેરવ્યું. એટલું જ નહીં, તેમણે પ્રોક્સી બળવા માટે રાજકીય, નૈતિક અને રાજદ્વારી સમર્થન ચાલુ રાખવાનું વચન આપ્યું. તેમનું નિવેદન એ બીજો સંકેત છે કે ઇસ્લામાબાદ આંતરરાષ્ટ્રીય કાયદેસરતાના આડમાં અશાંતિ ફેલાવવાની ભૂમિકા ભજવતું રહેશે.
અસીમ મુનીર હંમેશા ભારત અને કાશ્મીર પર ઝેર ઓકવા માટે જાણીતા છે. તેમણે ફરી એકવાર કાશ્મીર મુદ્દા પર ભારત વિરુદ્ધ ઉશ્કેરણીજનક નિવેદન આપ્યું છે. તેમના તાજેતરના ભાષણમાં, મુનીરે કહ્યું, “અમે કાશ્મીરી લોકોના અધિકારો અને દાયકાઓ જૂના વિવાદના ઉકેલ માટે તેમની સાથે છીએ. તેમણે કહ્યું કે ભારત જેને આતંકવાદ કહે છે તે વાસ્તવમાં યુએન સુરક્ષા પરિષદના ઠરાવો અને કાશ્મીરી લોકોની આકાંક્ષાઓ અનુસાર “કાયદેસર સંઘર્ષ” છે.” તેમણે એવો પણ દાવો કર્યો હતો કે જ્યાં સુધી કાશ્મીર મુદ્દાનો “ન્યાયી અને શાંતિપૂર્ણ ઉકેલ” ન મળે ત્યાં સુધી દક્ષિણ એશિયામાં કાયમી શાંતિ શક્ય નથી. મુનીરે કાશ્મીરમાં આતંકવાદ ફેલાવવા બદલ માર્યા ગયેલા આતંકવાદીઓને શહીદ કહીને શ્રદ્ધાંજલિ આપી.
આતંકવાદનું પ્રાયોજક પાકિસ્તાન હંમેશા વિશ્વને ગેરમાર્ગે દોરતું રહ્યું છે. જનરલ મુનીરનું નિવેદન એવા સમયે આવ્યું છે જ્યારે પાકિસ્તાન ગંભીર આર્થિક સંકટનો સામનો કરી રહ્યું છે અને દેશની અંદર – ખાસ કરીને વઝીરિસ્તાન, બલુચિસ્તાન અને ખૈબર પખ્તુનખ્વામાં આતંકવાદી હુમલાઓ વધી રહ્યા છે. રાજકીય અસ્થિરતા અને જાહેર અસંતોષ વચ્ચે, નિષ્ણાતો માને છે કે પાકિસ્તાન ફરી એકવાર ’કાશ્મીર કાર્ડ’ રમીને સ્થાનિક સમસ્યાઓ પરથી ધ્યાન હટાવવાનો પ્રયાસ કરી રહ્યું છે. પાકિસ્તાન ઘણીવાર સંયુક્ત રાષ્ટ્ર સુરક્ષા પરિષદ (ેંદ્ગજીઝ્ર) ના ઠરાવોનો ઉલ્લેખ કરે છે, પરંતુ વાસ્તવિકતા એ છે કે ૧૯૪૮ ના ઠરાવ (ઠરાવ ૪૭) માં પહેલી શરત પાકિસ્તાન પર હતી – કે તેણે ર્ઁદ્ભ માંથી તેના તમામ ગેરકાયદેસર લડવૈયાઓ અને આતંકવાદીઓને દૂર કરવા જોઈએ. પરંતુ આ શરત આજ સુધી પૂર્ણ થઈ નથી. આ કારણોસર, કાશ્મીર મુદ્દાને હવે સંયુક્ત રાષ્ટ્રમાં નિષ્ક્રિય માનવામાં આવે છે.
આંતરરાષ્ટ્રીય સમુદાય પણ કાશ્મીરને ભારતનો આંતરિક મામલો માને છે. પરંતુ પાકિસ્તાન હંમેશા કાશ્મીર સહિત સમગ્ર ભારતમાં આતંકવાદ ફેલાવવાનું કામ કરે છે. પાકિસ્તાને આતંકવાદને તેની વ્યૂહાત્મક નીતિનો ભાગ બનાવ્યો છે. ભારતે વારંવાર પાકિસ્તાનના આરોપોને નકારી કાઢ્યા છે. ભારત હંમેશા કહેતું આવ્યું છે કે જમ્મુ અને કાશ્મીર તેનો અભિન્ન અને અવિભાજ્ય ભાગ છે. ૫ ઓગસ્ટ ૨૦૧૯ ના રોજ ભારતે કાશ્મીરમાંથી કલમ ૩૭૦ દૂર કરી ત્યારથી, પાકિસ્તાન ખૂબ જ નારાજ છે. ભારત સરકાર કહે છે કે પાકિસ્તાન લાંબા સમયથી કાશ્મીરમાં આતંકવાદ અને સાંપ્રદાયિક ઉગ્રવાદને પ્રોત્સાહન આપી રહ્યું છે.
