Bhavnagar: જૂનમાં ધોધમાર વર્ષાએ 10 વર્ષનો રેકોર્ડ તોડયો, 49.81 ટકા વરસાદ

ગોહિલવાડમાં વર્ષ ૨૦૧૫ બાદ નૈઋત્ય ચોમાસાના પ્રારંભિક તબક્કામાં ૫૦ ટકા જેટલો વરસાદ વરસ્યો હોય તેવું આ વર્ષે પ્રથમ વખત બન્યું છે. ગત વર્ષે ૨૧.૫૭ ટકાની સરખામણીએ આ વર્ષે જૂન માસમાં સરેરાશ ૪૯.૮૧ ટકા એટલે કે ૨૮.૨૪ ટકા વધુ વરસાદ વરસી ચુક્યો છે.આ વર્ષે જિલ્લામાં થયેલી મેઘમહેરમાં ૭૯.૮૦ ટકા (૪૯૦ મિ.મી.) સાથે ઉમરાળા તાલુકો મોખરે છે. ત્યારબાદ ૭૨.૭૧ ટકા (૪૬૯ મિ.મી.) સાથે સિહોર તાલુકામાં વધુ વરસાદ થયો છે. આ ઉપરાંત વલ્લભીપુર તાલુકામાં ૫૯.૦૮ ટકા (૩૮૭ મિ.મી.), પાલિતાણા તાલુકામાં ૫૯.૦૫ ટકા (૩૫૯ મિ.મી.), મહુવા તાલુકામાં ૪૯.૭૧ ટકા (૩૪૨ મિ.મી.), ગારિયાધાર તાલુકામાં ૪૭.૮૨ ટકા (૨૧૯ મિ.મી.), જેસર તાલુકામાં ૪૭.૬૧ ટકા (૩૦૯ મિ.મી.), તળાજા તાલુકામાં ૩૬.૦૩ ટકા (૨૦૫ મિ.મી.), ઘોઘા તાલુકામાં ૨૫.૨૪ ટકા (૧૫૯ મિ.મી.) અને ભાવનગરમાં ૨૫ ટકા (૧૮૮ મિ.મી.) મેઘકૃપા થઈ છે. જૂન મહિનામાં જિલ્લામાં સરેરાશ ૩૧૨.૭ મિ.મી. (૪૯.૮૧ ટકા) વરસાદ વરસ્યાનું નોંધાયું છે.