Harare, તા. 23
ભારતીય ક્રિકેટ ટીમનાં કપ્તાન શ્રેયસ અય્યર પોતાની આગેવાનીમાં પહેલી જીત નોંધાવવા માટે બેતાબ હશે. તેમની ટીમ આજે ત્રણ મેચોની ટી-20 સીરીઝના પહેલાં મેચમાં ઝિમ્બાબ્વેનો સામનો કરશે. કપ્તાન તરીકે પહેલી સાત ટી-20 મેચોમાંથી આયર્લેન્ડ અને ઈંગ્લેન્ડ સામે છ મેચ ગુમાવી ચૂકેલાં અય્યર પાસે ટીમને જીતના રસ્તે લાવવાની આ સોનેરી તક છે.
ઝિમ્બાબ્વે સામે જીત અપેક્ષિત છે પરંતુ જો હારી ગયા તો તે ડ્રેસિંગ રૂમની સ્થિતિનો અંદાજ સરળતાથી લગાવી શકાય છે જેમાં 15 વર્ષનાં વૈભવ સૂર્યવંશી પણ છે. ભારતે વીવીએસ લક્ષ્મણને કોચ તરીકે મોકલ્યાં છે જેમની શૈલી આક્રમક કોચ ગૌતમ ગંભીરથી સાવ અલગ છે. એવું નથી કે ગંભીર જીતવા નથી ઈચ્છતાં પરંતુ અંતિમ અગિયાર સાથે પ્રયોગ કરવાની તેમની આદત ગંભીરની સરખામણીમાં ઓછી છે.
વૈભવ – અભિષેક શરૂ કરશે ઈનિંગ
નજર એક વાર ફરી `વંડર બોય’ સૂર્યવંશી પર હશે જે અભિષેક શર્મા સાથે ઈનિંગનો પ્રારંભ કરશે કારણ કે સંજુ સેમસનને ટીમમાં સ્થાન મળ્યું નથી. હરારે સ્પોર્ટ્સ ક્લબ સાથે અભિષેક અને સૂર્યવંશીની જૂની યાદો જોડાયેલી છે.
અભિષેકે આ જ મેદાન પર પદાર્પણ કર્યું હતું અને બીજી મેચમાં પહેલી ટી-20 સદી પણ અહીં જ ફટકારી હતી. સૂર્યવંશીએ આ વર્ષે 6 ફેબ્રુઆરીએ આ જ મેદાન પર ઈંગ્લેન્ડની અંડર-19 ટીમ સામે જુનિયર વિશ્વકપ ફાઇનલમાં સદી ફટકારી હતી.
પરેશાન કરી શકે છે પીચ
પીચમાં ભેજ અને ઉછાળ રહે છે જેનાથી ભારતીય બેટ્સમેનોને મુશ્કેલીઓ આવી શકે છે. બ્લેસિંગ મુઝારાબાની અને રિચાર્ડ એનગારાવાના ઝડપી આક્રમણનો સામનો કરવો ભારત માટે આસાન નહીં હોય. ઉપકપ્તાન તિલક વર્મા પાંચમા નંબરે સહજ દેખાઈ નથી રહ્યા જે ટી-20માં ત્રીજા નંબરના સારા બેટ્સમેન છે, પરંતુ ઈશાન કિશનને આ ક્રમ પર ઉતારવામાં આવી રહ્યાં છે.
પસંદગીકારો સામે પસંદગીની મુંઝવણ
પાંચમાં નંબર પર રિંકુ સિંહ બહેતર વિકલ્પ છે પરંતુ ઉપકપ્તાનને બહાર કરવા આસાન નહીં હોય. ભારત સામે વાસ્તવિક પડકાર હર્ષ દુબે, શિવમ દુબે અને સૂર્યાંશ શેડગેમાંથી એકની પસંદગી કરવાનો છે. ત્રણેયમાંથી કોઈ શુદ્ધ ઓલરાઉન્ડર નથી.
એવામાં ત્રણેયને પણ ઉતારી શકાય છે. શિવમને સીમ અને સ્વિંગ બોલિંગ સામે બેટ્સમેન તરીકે પરેશાની આવી છે, પરંતુ તેમની પાસે બે ટી-20 વિશ્વકપ જીતવાનો અનુભવ છે. તો બીજી તરફ, શેડગેની બોલિંગ અપેક્ષા મુજબની નથી તો હર્ષ સારી બેટિંગ નથી કરી શકતાં.
