૨૦૧૮ની ‘ફેન્ટાસ્ટિક બીસ્ટ્સઃ ધ ક્રાઇમ્સ ઓફ ગ્રિન્ડેલવાલ્ડ’ બાદ આ તેમની પ્રથમ મોટી સ્ટુડિયો રિલીઝ
Mumbai,, તા.૨૮
હોલિવૂડના લોકપ્રિય અભિનેતા જોની ડેપ લાંબા સમય બાદ એક મોટા સ્ટુડિયો પ્રોજેક્ટ સાથે પરત ફરી રહ્યા છે. તે હવે ચાર્લ્સ ડિકન્સની અમર કૃતિ પર આધારિત ફિલ્મ ‘એબેનેઝરઃ અ ક્રિસમસ કેરોલ’માં એબેનેઝર સ્ક્રૂજના પાત્રમાં જોવા મળશે. ફિલ્મનું પ્રથમ સત્તાવાર ટ્રેલર અને પોસ્ટર સાન ડિએગો કોમિક-કોન દરમિયાન લોંચ કરવામાં આવ્યું હતું.આ પ્રસંગે જોની ડેપે ચાહકોને ખાસ સરપ્રાઇઝ આપવા માટે સ્ક્રૂજના સંપૂર્ણ મેકઅપ અને પ્રોસ્ટેટિક્સ સાથે લાઇવ હાજરી આપી હતી. તે પહેલાં તેઓ સાન ડિએગોના ગેસલેમ્પ ડિસ્ટ્રિક્ટમાં પણ આ જ લૂકમાં જોવા મળ્યા હતા, જેના કારણે સોશિયલ મીડિયા પર ભારે ચર્ચા જામી હતી.ફિલ્મમાં જોની ડેપ ઉપરાંત ડેઝી રિડલી એમિલી ક્રેચિટ, સેમ ક્લાફ્લિન ળેડ, જ્યારે ઇયાન મેકેલન, રૂપર્ટ ગ્રિન્ટ અને એન્ડ્રિયા રાઇઝબરો પણ મહત્વની ભૂમિકામાં જોવા મળશે. ફિલ્મનું દિગ્દર્શન ટી વેસ્ટે કર્યું છે અને તેનું નિર્માણ પેરામાઉન્ટ પિક્ચર્સ દ્વારા કરવામાં આવ્યું છે.૧૮૪૩માં પ્રકાશિત થયેલી ચાર્લ્સ ડિકન્સની પ્રસિદ્ધ નવલકથા પર આધારિત આ વાર્તામાં કંજૂસ અને નિષ્ઠુર સ્ક્રૂજની ક્રિસમસના ભુતકાળના, વર્તમાન અને ભવિષ્યના આત્માઓ મુલાકાત લે છે, જેના કારણે તેના જીવનમાં મોટું પરિવર્તન આવે છે અને તે વધુ દયાળુ તથા સંવેદનશીલ વ્યક્તિ બને છે.આ ક્લાસિક વાર્તા અગાઉ પણ અનેક વખત ફિલ્મ અને ટેલિવિઝન માટે રૂપાંતરિત થઈ ચૂકી છે. ૧૯૫૧ની ‘સ્ક્રૂજ’, ૧૯૯૨ની ‘ધ મપેટ ક્રિસમસ કેરોલ’, ૨૦૦૯ની ડિઝનીની ‘અ ક્રિસમસ કેરોલ’ અને ૨૦૧૯ની મ્મ્ઝ્ર મિનિ-સિરીઝ જેવા અનેક વર્ઝનને દર્શકોનો સારો પ્રતિસાદ મળ્યો હતો.જોની ડેપ માટે આ ફિલ્મ ખાસ મહત્વ ધરાવે છે. ૨૦૧૮ની ‘ફેન્ટાસ્ટિક બીસ્ટ્સઃ ધ ક્રાઇમ્સ ઓફ ગ્રિન્ડેલવાલ્ડ’ બાદ આ તેમની પ્રથમ મોટી સ્ટુડિયો રિલીઝ છે. આ ઉપરાંત જોની ડેપ આગામી સમયમાં ‘ડે ડ્રિન્કર’ (૨૦૨૭) નામની એક્શન થ્રિલરમાં પણ જોવા મળશે, જેમાં મેડેલિન ક્લાઇન અને પેનેલોપ ક્રુઝ પણ અભિનય કરશે.‘એબેનેઝરઃ અ ક્રિસમસ કેરોલ’ ભારત સહિત વિશ્વભરના સિનેમાઘરોમાં નવેમ્બર ૨૦૨૬માં રિલીઝ થવાની છે.
