New Delhi, તા. 29
ગ્લાસ્ગો ખાતે રમાઈ રહેલી કોમનવેલ્થ ગેમ્સ 2026માં ભારતીય બોક્સરોએ પોતાનું શાનદાર પ્રદર્શન ચાલું રાખ્યું છે. રવિવારે રમાયેલા હાઈ-વોલ્ટેજ મેચમાં ભારતનાં બોક્સર જાંદુમણિ સિંહે પુરુષોનાં મુકાબલામાં પાકિસ્તાનનાં સુમામા રહમાનને 5-0થી એકતરફી માત આપીને ક્વાર્ટર ફાઇનલમાં જગ્યા બનાવી લીધી છે. ભારતીય સેનાના જવાન એવા જાંદુમણિએ પોતાનાં આક્રમક પંચ અને ઉત્કૃષ્ટ ફુટવર્કથી પાકિસ્તાની બોક્સરને રિંગમાં પુન:રાગમન કરવાની કોઈ તક આપી નહોતી.
આ વિજય ખાસ એટલા માટે પણ યાદગાર રહ્યો કારણ કે તે ‘કારગિલ વિજય દિવસ’ (26 જુલાઈ) ના દિવસે મળ્યો હતો. મેચ જીત્યા બાદ જાંદુમણિ સિંહે પોતાની આ શાનદાર જીત દેશના કારગિલ વીરો અને શહીદ જવાનોને સમર્પિત કરી હતી.
તેમણે દેશ માટે ગોલ્ડ મેડલ જીતવાનો પોતાનો દ્રઢ સંકલ્પ પણ વ્યક્ત કર્યો હતો. સ્ટેડિયમમાં હાજર ભારતીય દર્શકોએ ‘ભારત માતા કી જય’ અને ‘ઇન્ડિયા-ઇન્ડિયા’ના નારા લગાવીને મુક્કાબાજનો ઉત્સાહ વધાર્યો હતો.
