રાન્યા ફિલ્મ ‘માણિક્ય’માં કન્નડ સુપરસ્ટાર સુદીપ સાથેની ભૂમિકા માટે જાણીતી છે. તેણીએ દક્ષિણ ભારતીય ફિલ્મોમાં પણ કામ કર્યું છે
Mumbai,, તા.૧૯
કન્નડ અભિનેત્રી રાન્યા રાવને સોનાની દાણચોરીના કેસમાં એક વર્ષની જેલની સજા ફટકારવામાં આવી છે. ફોરેન એક્સચેન્જ કન્ઝર્વેશન એન્ડ સ્મગલિંગ પ્રિવેન્શન એક્ટ એડવાઇઝરી બોર્ડે આ આદેશ પસાર કર્યો છે, જેમાં રાન્યા રાવ સાથે અન્ય બે આરોપીઓનો પણ સમાવેશ થાય છે. આદેશ અનુસાર, ત્રણેયને એક વર્ષની જેલની સજા દરમિયાન જામીન માટે અરજી કરવાના અધિકારથી વંચિત રાખવામાં આવ્યા છે. એટલે કે, સમગ્ર સજા દરમિયાન તેમાંથી કોઈ પણ જામીન માટે અરજી કરી શકશે નહીં.રાન્યા ફિલ્મ ‘માણિક્ય’માં કન્નડ સુપરસ્ટાર સુદીપ સાથેની ભૂમિકા માટે જાણીતી છે. તેણીએ દક્ષિણ ભારતીય ફિલ્મોમાં પણ કામ કર્યું છે. રાન્યા રાવને આ વર્ષે ૩ માર્ચે બેંગલુરુના કેમ્પેગૌડા આંતરરાષ્ટ્રીય એરપોર્ટ પર ૧૪.૮ કિલો સોના સાથે ડિરેક્ટોરેટ ઓફ રેવન્યુ ઇન્ટેલિજન્સ દ્વારા ધરપકડ કરવામાં આવી હતી. રાણ્યા વારંવાર આંતરરાષ્ટ્રીય પ્રવાસોને કારણે ડીઆરઆઈ ની દેખરેખ હેઠળ હતી. ૩ માર્ચની રાત્રે તે દુબઈથી બેંગલુરુ આવી હતી, જ્યારે તેની ધરપકડ કરવામાં આવી હતી.અધિકારીઓએ કહ્યું હતું કે અભિનેત્રી રાન્યા રાવે તેના શરીર પર મોટાભાગનું સોનું પહેર્યું હતું, અને તેણે તેના કપડાંમાં સોનાના લગડા પણ છુપાવ્યા હતા. રાન્યાના સાવકા પિતા રામચંદ્ર રાવ એક વરિષ્ઠ આઈપીએસ અધિકારી છે.ડીઆરઆઈએ કહ્યું હતું કે એરપોર્ટ પહોંચતા જ રાન્યા પોતાને એક પોલીસ ઓફીસરની પુત્રી તરીકે ઓળખાવતી હતી અને સ્થાનિક પોલીસ કર્મચારીઓને તેને ઘરે મૂકવા માટે બોલાવતી હતી.ઈડીએ પ્રિવેન્શન ઓફ મની લોન્ડરિંગ એક્ટ હેઠળ રાણ્યા રાવ વિરુદ્ધ ફરિયાદ નોંધી હતી . ૪ જુલાઈના રોજ, ઇડીએ તેની સામે કાર્યવાહી કરી અને બેંગલુરુના વિક્ટોરિયા લેઆઉટમાં એક ઘર, બેંગલુરુના અરકાવતી લેઆઉટમાં એક પ્લોટ, ટુમકુરમાં એક ઔદ્યોગિક જમીન અને અનેકલ તાલુકામાં ખેતીની જમીન જપ્ત કરી. આ બધી મિલકતોની કુલ કિંમત લગભગ ૩૪.૧૨ કરોડ રૂપિયા છે.
