Amreli,તા.01
70મી એસ.જી.એફ.આઈ. રમતોત્સવ અંતર્ગત યોજાયેલી તાલુકા કક્ષાની વિવિધ સ્પર્ધાઓમાં જે. વી. મોદી હાઇસ્કૂલ, સાવરકુંડલાના વિદ્યાર્થીઓએ ઉત્કૃષ્ટ રમતગમતનું પ્રદર્શન કરીને શાળા અને શહેરનું ગૌરવ વધાર્યું છે.
અંડર-17 કબડ્ડી સ્પર્ધામાં શાળાની ટીમે ફાઇનલ સુધીનો સફળ પ્રવાસ કરીને રનર-અપ સ્થાન પ્રાપ્ત કર્યું હતું. તેમજ અંડર-17 ખો-ખો સ્પર્ધામાં પણ ફાઇનલમાં પહોંચીને રનર-અપ બની શાનદાર દેખાવ કર્યો હતો.
વ્યક્તિગત સ્પર્ધામાં વિદ્યાર્થી ચૌહાણ આયુષ્માને 100 મીટર દોડમાં તાલુકા કક્ષાએ તૃતીય સ્થાન પ્રાપ્ત કર્યું હતું. વધુમાં વિદ્યાર્થી મેર ધ્રુવની કબડ્ડી માટે જિલ્લા કક્ષાની સ્પર્ધામાં પસંદગી થઈ છે, જ્યારે વિદ્યાર્થી ચૌહાણ આયુષ્માનની ખો-ખો માટે જિલ્લા કક્ષાએ પસંદગી થતાં સમગ્ર શાળા પરિવારમાં હર્ષની લાગણી વ્યાપી છે.
