Surendaranagar, તા.24
ઓનલાઇન છેતરપીંડી માટે ઠગ ટોળકી અવનવી તરકીબો અજમાવી પોતાની જાળમાં લોકોને ફસાવી લે છે. ત્યારે લોકો સાથે ઓનલાઇન છેતરપીંડીના બનાવ વધવા લાગ્યા છે. ધ્રાંગધ્રામાં રહેતાં યુવાન કાળુભાઈ જાદવના મોબાઈલમાં મેસેજ આવ્યો કે તમારા ખાતામાં રૂ.5000ની બેંક દ્વારા ડિપોઝિટ જમા કરવાની છે.
ત્યારે યુવાન વિચારે કેમ રૂ. 5,000ની ડિપોઝિટ કરાવી નથી આવી ક્યાંથી ? ત્યારે એટલા સમયમાં મોબાઇલમાં ફોન આવ્યો કે હું બેંકમાંથી બોલું છું. તમને બેંક દ્વારા રૂ.5000ની ડીપોઝિટ આપવામાં આવી છે. ત્યારે તમારામાં ઓટીપી આવશે તે આપવા વિનંતી છે.
ત્યારે યુવાન દ્વારા ઓટીપી નંબર આપતા ખાતામાંથી વધુ 40,000 રૂપિયા ઉપાડી લેતાં યુવાનને જાણ થતા બેંકમાં જણ કરતા બેંક દ્વારા જણાવ્યું કે તમારા સાથે ઠગાઈ થઈ છે.
ત્યારે યુવાન દ્વારા આ અંગે સાયબર ક્રાઇમમાં ગુનો નોંધાવાની કામગીરી હાથ ધરાઈ છે. બેંકના પૂર્વ અઘિકારી નરેશભાઈ ઠક્કરે જણાવ્યું કે મોબાઈલ ઉપર કોઈપણ જાતની માહિતી બેંક માંગતી નથી. કોઇને ફોન આવે તો કોઈ માહિતી આપવી નહીં. રૂબરૂ સંપર્ક કરવો.
