(રવિ નિમાવત દ્વારા)
Wankaner તા.૧૧
વાંકાનેરના ઠીકરીયાળા ગામમાં આવેલ જમીનમાં એક ઇસમેં પાકી બિલ્ડીંગ અને દુકાનો બનાવી દુકાનો ભાડે આપી આર્થિક લાભ મેળવી જમીન ગેરકાયદેસર રીતે પચાવી પાડી કબજો કર્યાની પોલીસ ફરિયાદ નોંધાવી છે પોલીસે લેન્ડ ગ્રેબિંગ એક્ટ મુજબ ગુનો નોંધી તપાસ હાથ ધરી છે
મુંબઈના ઘાટકોપરના રહેવાસી રશ્મિબેન વિશનજી ઠક્કર (ઉ.વ.૬૬) નામના વૃદ્ધાએ આરોપી વિરમ ઘેલાભાઈ ભરવાડ રહે રાજકોટ વાળા વિરુદ્ધ ફરિયાદ નોંધાવી છે કે ફરિયાદી રશ્મિબેન અને તેના બહેન સોનલબેન ઠક્કર રહે મુંબઈની સંયુક્ત માલિકીની વાંકાનેર તાલુકાના ઠીકરીયાળા ગામના સર્વે નંબર ૨૩ જમીન પર આવેલ ૭૬૨ ૩૬ ચોમી ખુલ્લી જમીન પર ૧૯૬ ૩૬ ચોમી જમીન ઉપર આરોપીએ ગેરકાયદે પાકી બિલ્ડીંગ અને દુકાનો બનાવી નાખી દુકાનો ભાડે આપી આર્થિક લાભ મેળવી જમીન ગેરકાયદેસર રીતે પચાવી પાડી કબજો કર્યો હતો તા. ૦૮-૦૨-૨૦૨૫ પહેલા કોઈપણ સમયથી આરોપીએ કબજો કરી જમીન પચાવી પાડી હતી વાંકાનેર તાલુકા પોલીસે લેન્ડ ગ્રેબિંગ એક્ટની કલમો હેઠળ ગુનો નોંધી તપાસ ચલાવી છે
