Malvika Raj કર્યું બેબી ગર્લનું સ્વાગત

બોલીવુડની યાદગાર ફિલ્મ ‘કભી ખુશી કભી ગમ’માં છોટી પૂનું પાત્ર ભજવનાર અભિનેત્રી માલવિકા રાજે એક બાળકીનું સ્વાગત કર્યું છે. અભિનેત્રી માતા બની છે અને તેણે 23 ઓગસ્ટના રોજ એક પુત્રીને જન્મ આપ્યો છે. માલવિકા રાજે પોતે ઇન્સ્ટાગ્રામ પર એક પોસ્ટ શેર કરીને ફેન્સ સાથે આ ખુશખબર શેર કરી હતી. માલવિકા અને પ્રણવે પોતાની નાની લાડલીનું આગમન કરતા એક પોસ્ટ શેર કરી છે જેમાં ફુગ્ગાઓથી ભરેલું એક સુંદર ગુલાબી પોસ્ટર શેર કર્યું છે.અભિનેત્રી માલવિકા રાજે સોશિયલ મીડિયા પર શુભ સમાચાર શેર કર્યા છે. આ પોસ્ટ શેર કરતા તેઓએ લખ્યું છે કે, ‘ગુલાબી ધનુષ્ય, નાના અંગૂઠા અને છલકાતા પ્રેમ… આ દુનિયામાં આપનું સ્વાગત છે બેબી ગર્લ. 23.08.2025. આપણી બાળકી આવી ગઈ છે. પોસ્ટ પર ઘણા સેલેબ્સે માલવિકાને અભિનંદન આપ્યા અને નાની પરીને ખૂબ ખૂબ પ્રેમ અને આશીર્વાદ આપ્યા. અભિનેત્રી પ્રજ્ઞા જયસ્વાલે લખ્યું હતું કે, ‘તમને અભિનંદન.’ સિંગર બિસ્મિલે ટિપ્પણી કરી હતી કે, ‘હું ખૂબ ખુશ છું, તમારા બંનેને ખૂબ ખૂબ અભિનંદન.’ ફેન્સે સોશિયલ મીડિયા પર હાર્ટ ઇમોજી અને સુંદર સંદેશાઓ મોકલીને કપલને શુભેચ્છા પાઠવી રહ્યા છે.