New Delhi તા. 25
દુનિયાભરમાં બાળકોનાં સોશિયલ મીડિયાના ઉપયોગ પર લગામ લગાવવામાં આવી રહી છે. ગયા વર્ષે ડિસેમ્બરમાં ઓસ્ટ્રેલિયા દુનિયાનો પહેલો એવો દેશ બન્યો જેણે 16 વર્ષથી ઓછી ઉંમરનાં બાળકો માટે સોશિયલ મીડિયા પર પ્રતિબંધ મૂકી દીધો. હવે ન્યૂઝીલેન્ડના વડાપ્રધાન ક્રિસ્ટોફર લક્સને પણ આ અંગે પ્રતિબંધ લગાવતાં કાયદાનો પ્રસ્તાવ રજૂ કર્યો છે.
ભારતમાં હાલ પ્રતિબંધ નથી :-
ભારતમાં હાલમાં દેશવ્યાપી પ્રતિબંધ નથી, પરંતુ મુખ્ય આર્થિક સલાહકારે જાન્યુઆરીમાં સોશિયલ મીડિયા પ્લેટફોર્મ પર ઉંમરની પાબંદીઓ લગાવવાની વાત કહી હતી. કર્ણાટકે આ જ વર્ષે 16 વર્ષથી ઓછી ઉંમરના બાળકો માટે સોશિયલ મીડિયાના ઉપયોગ પર પ્રતિબંધ લગાવવાની જાહેરાત કરી છે.
આ દેશોમાં પ્રતિબંધ લાગું, નિયમો કડક કરાયા :-
ઓસ્ટ્રેલિયા : 10 ડિસેમ્બર 2025થી 16 વર્ષથી ઓછી ઉંમરનાં બાળકો માટે સોશિયલ મીડિયા પ્રતિબંધિત કરી દેવામાં આવ્યું છે.
ચીન : ચીનનાં સાયબરસ્પેસ રેગ્યુલેટરે સગીરો માટે ’મોડ’ નામનો પ્રોગ્રામ લાગું કર્યો છે. આ હેઠળ મોબાઇલ પર પાબંદીઓ અને એપના હિસાબથી નિયમો જરૂરી છે.
જર્મની : 13 થી 16 વર્ષનાં બાળકોને સોશિયલ મીડિયા વાપરવાની પરવાનગી ત્યારે જ મળે છે જ્યારે માતા-પિતા સહમતિ આપે.
ઇટાલી : 14 વર્ષથી ઓછી ઉંમરનાં બાળકોનાં સોશિયલ મીડિયા એકાઉન્ટ માટે માતા-પિતાની સહમતિ જોઈએ.
તુર્કી : સંસદે 15 વર્ષથી ઓછી ઉંમરનાં બાળકોનાં સોશિયલ મીડિયા ઉપયોગ પર પ્રતિબંધ લગાવ્યો છે.
મલેશિયા : 16 વર્ષથી ઓછી ઉંમરના બાળકોને સોશિયલ મીડિયા એકાઉન્ટ બનાવવા પર રોક લગાવવાનું શરૂ કરી દીધું છે.
યુરોપીય સંઘનો કાયદો
યુરોપીય આયોગના અધ્યક્ષ ઉર્સુલા વોન ડેર લેયેને કહ્યું હતું કે યુરોપીય સંઘ નુકસાનકારક ફીચર્સથી બચાવવા માટે સુરક્ષા ઉપાય કરશે.
સૌથી લોકપ્રિય પ્લેટફોર્મ્સ (યુઝર્સની સંખ્યા)
યૂટ્યૂબ: 2.65 અબજ
ફેસબુક: 2 અબજથી વધુ
ઇન્સ્ટાગ્રામ: 1.5-2 અબજ
વોટ્સએપ: 2 અબજથી વધુ
